Tuvo activu en Hollywood y nel Reinu Xuníu principalmente na dómina del cine mudu. Tamién conocíu como Montague Banks, Mario Bianchi, o William Montague, tenía doble ciudadanía, americano-italiana.
Biografía El so verdaderu nome yera Mario Bianchi, y nació en Cesena, Italia, nel senu d'una familia humilde. Los sos padres, Leopoldo Bianchi y Giacinta Pieri, trabayaren nuna posada y nuna frutería. En 1914, Bianchi emigró a los Estaos Xuníos, onde empecipió la so carrera artística como baillarín. Descubiertu pol productor Mack Sennett, empezó a trabayar como actor cómicu, debutando en 1916 con Cold Hearts and Hot Flames, un curtiu de John G. Blystone. En 1918 trabayaba en Hollywood cola compañía de Roscoe Arbuckle, participando en más de 35 curtios cómicos rodaos a principios de los años 1920, y dempués en llargumetraxes d'aición y humor como Play Safe (1927). Dedicáu tamién a la producción, en 1922 dirixía una compañía propia, Monty Banks Productions Inc., que rodó Six A.M., de Ben F. WilsonVedi.
Darréu dirixó ya interpretó numberoses cintes, ente elles Racing Luck (1924) y Keep Smiling (1925), amás d'escribir guiones de delles producciones. Una d'elles, Play Safe, qu'interpretó so la direición de Joseph Henabery en 1927, dio-y la fama como autor.
Cola llegada del cine sonoru, el fuerte acentu italianu de Banks obligó-y a abandonar progresivamente la so carrera d'actor pa dedicase a trabayar como guionista y direutor. Asina, foi direutor de Stan Laurel y Oliver Hardy nel filme Great Guns, utilizando'l nome artísticu de "Montague Banks". En 1929 viaxó al Reinu Xuníu, onde trabayó como actor y direutor, rodando Adam's Apple (1928), Atlantic (1929), el so mayor ésitu como actor, The Compulsory Husband (1930), The Wife's Family (1932) y You Made Me Love You (1934). La so última actuación tuvo llugar en 1945 en A Bell for Adano, de Henry King.
Banks tuvo casáu cola actriz Gladys Frazin. El matrimoniu nun foi feliz, y ellos divorciáronse'l 29 d'abril de 1932. Ella suicidóse en marzu de 1939. En 1935 Banks conoció a la cantante y actriz Gracie Fields, cola que se casó en marzu de 1940, y qu'actuó en delles de les películes dirixíes por él. Como italianu, sería consideráu un 'estranxeru enemigu' nel Reinu Xuníu mientres la Segunda Guerra Mundial. Por ello, él y Fields dexaron el país pa dir a Canadá y dempués a Estaos Xuníos, naquel momentu un país neutral, evitando asina'l so internamientu. L'Internamientu de los Italianos tamién tuvo llugar n'Estaos Xuníos en 1941 y 1942, viéndose afeutaos miles d'italianos, pero la midida finalmente foise relaxando.
Monty Banks caltuvo la doble ciudadanía, americana ya italiana. Finó nun tren nes cercaníes d'Arona, Italia, por causa de un infartu agudu de miocardiu. Tenía 52 años d'edá. Foi enterráu na Ilesia de Santu Stefano, en Boloña.
Filmografía Actor
Direutor
Productor
Guionista
Referencies
Enllaces esternos
Monty Banks en Virtual History
Categoría:Actores y actrices d'Italia Categoría:Actores y actrices de cine mudu Categoría:Direutores de cine d'Estaos Xuníos Categoría:Direutores de cine d'Italia Categoría:Direutores de cine mudu Categoría:Productores de cine Categoría:Productores de cine d'Estaos Xuníos Categoría:Guionistes d'Italia Categoría:Guionistes de cine d'Estaos Xuníos