Earl Boen (; ) foi un actor d'Estaos Xuníos, conocíu principalmente como'l sicólogu criminal Peter Silberman en The Terminator (1984), Terminator 2: Judgment Day (1991) y Terminator 3: Rise of the Machines (2003). Ye l'únicu actor amás d'Arnold Schwarzenegger qu'apaez nes trés películes de la saga.
Boen tamién foi bien activu nel campu del doblaxe. Punxo voz al señor Bleakman en Clifford the Big Red Dog, al xefe de policía Kanifky en Bonkers, el narrador y rei Terenas Menethil II en World of Warcraft y a LeChuck na serie Monkey Island.
Carrera Otres películes nes qu'actuó inclúin The Man with Two Brains (1983), Alien Nation (1988), The Naked Gun 33 1/3: The Final Insult (1994), Nutty Professor II (2000), y una curtia apaición en 18 Again! (1988).
Boen retiróse de l'actuación en 2003, pero siguió trabayando como actor de voz na radio, televisión, dibuxos animaos, amás de xuegos y videos d'ordenador.
Vida personal Boen casó cola actriz Carole Kean en 1970. Ella morrió'l 23 d'abril de 2001 pola mor d'un cáncanu d'ovarios a los 58 años.
A Boen Diagnosticáron-y cáncanu de pulmón na seronda de 2022. Morrió en Ḥawai el 5 de xineru de 2023 a los 81 años d'edá.
Referencies
Enllaces esternos
Categoría:Actores y actrices de Nueva York Categoría:Actores y actrices de doblaxe d'Estaos Xuníos