Méxicu o MéxicoComo apaez na entrada de «mexicanu» nel DALLA (castellán: ; náhuatl: ), nomáu oficialmente Estaos Xuníos Mexicanos, ye un país d'América del Norte. Asitiáu na parte meridional del subcontinente, llenda al norte colos Estaos Xuníos d'América, al sureste con Belize y Guatemala, al este col golfu de Méxicu y el mar Caribe y al oeste col océanu Pacíficu. Ye'l decimocuartu país mayor del mundu, con alredor de dos millones de kilometros cuadraos d'estensión, y tien una población (INEGI, 2010) de cuasique 112 millones de persones. Les más d'elles tienen como llingua materna l'español, que ye la llingua nacional del país xunto con otres 67 llingües indíxenes .
La presencia humana en Méxicu remóntase a 30.000 años AP. Tres de dellos milenios de desarrollu cultural surdieron nel actual territoriu de Méxicu les cultures mesoamericanes, aridoamericanes y oasisamericanes. Nel sieglu XVI el so espoxigue foi interrumpíu pola llegada los españoles, que dominaron el país hasta 1810, cuando'l país entamó la llucha pola so independencia. Algamada esta, el país foi escenariu demientres el sieglu siguiente de delles guerres internes y invasiones foriatas, qu'afectaron fondamente la vida diaria de los mexicanos. El sieglu XX (especialmente la primer metá) foi, baxo la direición política ininterrumpida del Partíu Revolucionariu Institucional, una época de gran espoxigue económicu.
Según la Organización Mundial del Turismu Méxicu ye'l principal destín turísticu d'América Llatina, y ún de los diez países más visitaos del mundu. Inflúin nesi fechu la existencia nel país de 31 llugares, culturales y naturales, consideraos pola UNESCO como Patrimoniu de la Humanidá. Pol volume del so productu interior brutu nominal ye consideráu la decimocuarta economía mundialBancu Mundial, 2007 World Development Indicators., siendo la segunda mayor economía d'América Llatina y la cuarta de tol continente. El repartu de la riqueza, por embargu, ye perdesigual, coexistiendo nel país conceyos con índices de desarrollu humanu asemeyaos a los d'AlemañaPor exemplu, na delegación Benito Juárez (D.F.). "La vida en la Benito Juárez, al nivel de Alemania", nota del diariu El Universal, 25 d'ochobre de 2004, consultada'l 8 d'ochobre de 2007. con otros con índices asemeyaos a los de BurundiPor exemplu Metlatónoc, na rexón de la Mixteca, nel estáu de Guerrero, que hasta que se creó'l conceyu de Chochoapa el Grande yera'l conceyu col peor índiz de desarrollu humanu en Méxicu. "Metlatónoc: el imperio de la pobreza" , nota de Sergio Ocampo Arista pal diariu La Jornada, 26 de xunetu de 2005; "Chochoapa el Grande, el municipio más pobre de América Latina" , nota de Sergio Ocampo en La Jornada del 20 de marzu de 2007, consultada'l 8 d'ochobre de 2007.. Méxicu ye tamién ún de los países con mayor diversidá climática del mundu, y agospia el 10-12% de tola biodiversidá mundial y más de 12.000 especies endémiques.
Políticamente Méxicu ye una república democrática, representativa y federal formada por 31 estaos y un distritu federal, qu'abarca la Ciudá de Méxicu, sede del gobiernu y les instituciones de la federación, y la so rodiada.
Historia
Política y gobiernuLos datos recoyíos nesti apartáu tán sacaos del Anuario Iberoamericano 2012 del Real Institutu Elcano y l'Axencia Efe. Disponible en http://www.anuarioiberoamericano.es/
Organización política L'actual Constitución mexicana foi aprobada'l 5 de febreru de 1917. Por ella Méxicu defínese como una república federal representativa y democrática, que ta dividida en 31 estaos y un distritu federal.
El poder executivu ye exercíu pol presidente, elixíu pa seis años por votu popular direutu pa un mandatu únicu; ayúdenlu un gabinete formáu por 18 secretarios y un fiscal xeneral. El poder llexislativu tiénlo'l Congresu Xeneral, un muérganu bicameral qu'inclúi al Senáu y la Cámara de Diputaos. Esta fórmenla 500 diputaos; d'ellos 300 son escoyíos siguiendo'l principiu de votación mayoritaria, y los otros 200 por representación proporcional. El Senáu fórmenlu 128 senadores; son cuatro por cada estáu, trés escoyíos de forma direuta y l'otru por representación proporcional. Nin los senadores nin los diputaos pueden ser elixíos pa periodos consecutivos. El poder xudicial, pela so banda, tien como muérganu cimeru la Suprema Corte de Xusticia, formada por once maxistraos.
A nivel estatal repítese esti esquema organizativu. Hay un gobernador qu'exerce'l poder executivu, una Cámara de Diputaos que llexisla y un Tribunal Superior de Xusticia.
Gobiernu L'actual presidente de la República ye, dende'l 1 d'avientu de 2018, Andrés Manuel López Obrador. El presidente de la Cámara de Diputaos ye Porfirio Muñoz Ledo, y el Senáu ta presidíu por Martí Batres Guadarrama. El gabinete ministerial fórmenlu les siguientes secretaríes (ministerios) y persones: Agricultura y Desarrollu Rural: Victor Villalobos Arámbula. Economía: Graciela Márquez Colín. Comunicaciones y Tresportes: Javier Jiménez Espriú. Cultura: Alejandra Frausto Guerrero. Función Pública: Irma Eréndira Sandoval Ballesteros. Defensa Nacional: Luis Crescencio Sandoval González. Bienestar: María Luisa Albores González. Educación Pública: Esteban Moctezuma Barragán. Enerxía: Rocío Nahle García. Gobernación: Olga María del Carmen Sánchez-Cordero Dávila. Facienda y Creitu Públicu: Carlos Manuel Urzúa Macías. Marina: José Rafael Ojeda Durán. Mediu Ambiente y Recursos Naturales: Víctor Manuel Toledo Manzur. Desarrollu Agrariu, Territorial y Urbanu: Román Meyer Falcón. Rellaciones Esteriores: Marcelo Luis Ebrard Casaubón. Salú: Jorge Carlos Alcocer Varela. Trabayu y Previsión Social: Luisa María Alcalde Luján. Turismu: Miguel Torruco Marqués. Seguridá y Proteición Ciudadana: Alfonso Durazo Montaño.
Partíos políticos y sindicatos Los principales partíos políticos mexicanos, y los sos actuales presidentes, son los que vienen darréu: Partíu Revolucionariu Institucional (PRI), presidíu por Pedro Joaquín Coldwell. Partíu d'Aición Nacional (PAN), presidíu por Gustavo Madero. Partíu de la Revolución Democrática (PRD), presidíu por Jesús Zambrano Grijalva. Partíu del Trabayu (PT), que'l so coordinador nacional ye Alberto Anaya Gutiérrez. Partíu Verde Ecoloxista de Méxicu (PVEM), que'l so voceru nacional ye Arturo Escobar y Vega. Converxencia/Movimientu Nacional, presidíu por Luis Walton Aburto. Partíu Nueva Alianza (PANAL), presidíu por Luis Castro Obregón.
D'ente los sindicatos del país pueden destacase, pola so importancia: Confederación de Trabayadores de Méxicu (CTM), que'l so secretariu xeneral ye Joaquín Gamboa Pascoe. Confederación Nacional Campesina (CNC), presidida por Gerardo Sánchez García.
Organización territorial Los Estaos Xuníos Mexicanos son una federación formada por 31 estaos soberanos, que tien xurisdicción sobro'l Distritu Federal y otros territorios. Caún de los estaos tien la so propia constitución, parllamentu y sistema xudicial, y los sos ciudadanos elixen por votu direutu a un gobernador pa un periodu de seis años, y a los sos representantes na cámara de diputaos estatal pa un periodu de trés. El Distritu Federal ye una entidá con un status especial: pertenez al conxuntu la federación y non a dengún estáu en particular y tien, poro, poderes llocales más llimitaos que los de los estaos.
Los estaos tán sodividíos en conceyos, gobernaos por un alcalde o presidente municipal elixíos por sufraxu direutu.
500px|División territorial de Méxicu.
Capital federal Entidá Nome oficial Bandera Estensión Población (2010) Fecha de fundación Ciudá de Méxicu border|100px 1.485 km² 8.720.916 18 de payares de 1824
Estaos mexicanos Estaos de MéxicuEstáu Nome oficial Estado Libre y Soberano de Bandera Capital Ciudá más poblada EstensiónLa información sobro los datos xeográficos y demográficos del Distritu Federal y los Estaos mexicanos ta disponible na páxina web del INEGI. http://cuentame.inegi.gob.mx/monografias/default.aspx?tema=me . Población (2010)Los datos del censu 2010 tán disponibles na páxina web http://www.censo2010.org.mx Númberu d'orden d'admisiónna federación Fecha d'admisiónna federación Aguascalientes Aguascalientes border|50px Aguascalientes Aguascalientes 5.618 km² 1.184.996 24º 5 de febrerude 1857 Baxa California Baxa California border|50px Mexicali Tijuana 71.446 km² 3.155.070 29º 16 de xinerude 1952 Baxa California Sur Baxa California Sur border|50px La Paz La Paz 73.922 km² 637.026 31º 8 d'ochobrede 1974 Campeche Campeche border|50px San Francisco de Campeche San Francisco de Campeche 57.924 km² 822.441 25º 29 d'abrilde 1863 Chiapas Chiapas border|50px Tuxtla Gutiérrez Tuxtla Gutiérrez 73.289 km² 4.796.580 19º 14 de setiembrede 1824 Chihuahua Chihuahua border|50px Chihuahua Ciudad Juárez 247.455 km² 3.406.465 18º 6 de xunetude 1824 Coahuila1 4 Coahuila de Zaragoza border|50px Saltillo Torreón 151.563 km² 2.748.391 16º 7 de mayude 1824 Colima6 Colima border|50px Colima Manzanillo 5.625 km² 650.555 23º 12 de setiembrede 1856 Durango Durango border|50px Victoria de Durango Victoria de Durango 123.451 km² 1.632.934 17º 22 de mayude 1824 Guanajuato Guanajuato border|50px Guanajuato León 30.608 km² 5.486.372 2º 20 d'avientude 1823 Guerrero Guerrero border|50px Chilpancingo de los Bravo Acapulco 63.621 km² 3.388.768 21º 27 d'ochobrede 1849 Hidalgo Hidalgo border|50px Pachuca Pachuca 20.846 km² 2.665.018 26º 16 de xinerude 1869 Jalisco Jalisco border|50px Guadalajara Guadalajara 78.599 km² 7.350.682 9º 23 d'avientude 1823 Méxicu Méxicu border|50px Toluca de Lerdo Ecatepec de Morelos 22.357 km² 15.175.862 1º 20 d'avientude 1823 Michoacán Michoacán de Ocampo border|50px Morelia Morelia 58.643 km² 4.351.037 5º 22 d'avientude 1823 Morelos Morelos border|50px Cuernavaca Cuernavaca 4.893 km² 1.777.227 27º 17 d'abrilde 1869 Nayarit Nayarit border|50px Tepic Tepic 27.815 km² 1.084.979 28º 26 de xinerude 1917 Nuevo León4 Nuevo León border|50px Monterrey Monterrey 64.220 km² 4.653.458 15º 7 de mayude 1824 Oaxaca Oaxaca border|50px Oaxaca de Juárez Oaxaca de Juárez 93.793 km² 3.801.962 3º 21 d'avientude 1823 Puebla Puebla border|50px Puebla de Zaragoza Puebla de Zaragoza 34.290 km² 5.779.829 4º 21 d'avientude 1823 Querétaro Querétaro de Arteaga border|50px Santiago de Querétaro Santiago de Querétaro 11.684 km² 1.827.937 11º 23 d'avientude 1823 Quintana Roo Quintana Roo border|50px Chetumal Cancún 42.361 km² 1.325.578 30º 8 d'ochobrede 1974 San Luis Potosí San Luis Potosí border|50px San Luis Potosí San Luis Potosí 60.983 km² 2.585.518 6º 22 d'avientude 1823 Sinaloa Sinaloa border|50px Culiacán Culiacán 57.377 km² 2.767.761 20º 14 d'ochobrede 1830 Sonora2 Sonora border|50px Hermosillo Hermosillo 179.503 km² 2.662.480 12º 10 de xinerude 1824 Tabasco5 Tabasco border|50px Villahermosa Villahermosa 24.738 km² 2.238.603 13º 7 de febrerude 1824 Tamaulipas4 Tamaulipas border|50px Ciudad Victoria Reynosa 80.175 km² 3.268.554 14º 7 de febrerude 1824 Tlaxcala Tlaxcala border|50px Tlaxcala Vicente Guerrero 3.991 km² 1.169.936 22º 9 d'avientude 1856 Veracruz Veracruz deIgnacio de la Llave border|50px Xalapa Veracruz 71.820 km² 7.643.194 7º 22 d'avientude 1823 Yucatán³ Yucatán border|50px Mérida Mérida 39.612 km² 1.955.577 8º 23 d'avientude 1823 Zacatecas Zacatecas border|50px Zacatecas Zacatecas 75.539 km² 1.490.668 10º 23 d'avientude 1823 Notes: El so nome de la que s'axuntó a la federación yera Coahuila y Texas. Axuntose a la federación col nome d'Estáu d'Occidente, magar que yera conocíu tamién como Sonora y Sinaloa. Axuntose a la federación col nome de República Federada de Yucatán, y comprendía los territorios de los actuales estaos de Yucatán, Campeche and Quintana Roo. Declaró la so independencia en 1841, formando la Segunda República de Yucatán, y axuntose de vez a la federación mexicana en 1848.