Biografía Nacíu y criáu na ciudá de Nueva York, los sos padres yeren la escritora y activista Ruth Hale y el columnista Heywood Broun. Estudió n'escueles privaes y nel Swarthmore College.
En 1940 Broun entró a formar parte del equipu del tabloide neoyorquín PM, trabayando como periodista deportivu. Sicasí, la so carrera viose atayada pola Segunda Guerra Mundial, mientres la cual sirvió na artillería del Exércitu de los Estaos Xuníos. Al rematar la guerra volvió al periódicu PM y escribió pal so socesor, el New York Star, que editóse hasta 1949.
Carrera televisiva Moteyáu "Woodie" y recordáu poles sos espresiones, el so bigote y les sos vistoses chaquetes deportives, entró en CBS News y CBS Sports en 1966, trabayando pa la empresa mientres 20 años como comentarista deportivu nuna gran variedá d'eventos, ente ellos les carreres de caballos Triple Crown.
Amás, actuó como artista invitáu o como actor de repartu en distintes producciones televisives.
Carrera cinematográfica Ente los filmes nos cualos actuó Broun destaquen los siguientes: The Odd Couple (1968) For Pete's Sake HouseSitter
Heywood Hale Broun finó en Kingston (Nueva York), en 2001.
Llibros A Studied Madness (1965) Tumultuous Merriment (1979) Whose little boy are you? : A memoir of the Broun family (1983)
Referencies
Enllaces esternos
Categoría:Periodistes d'Estaos Xuníos Categoría:Actores y actrices d'Estaos Xuníos Categoría:Persones de Nueva York