Ye conocíu principalmente pola so encarnación del detective Dick Tracy.
Biografía Estudió na Universidá de Columbia, na ciudá de Nueva York.
Conway foi unu de los miembros fundadores del Sindicatu d'Actores d'Estaos Xuníos. La so primer actuación pal cine tuvo llugar nel filme de 1934 Looking for Troublehttps://es.findagrave.com/memorial/39583463/morgan-conway, de William A. Wellman.
Mientres munchos años foi un actor independiente, trabayando pa estudios diversos interpretando pequeños papeles o a personaxes de repartu. La so actuación más conocida nesi periodu tuvo llugar probablemente na producción Charlie Chan in Reno (1939).
Mediada la década de 1940 tenía contratu con RKO Pictures, y foi escoyíu pa interpretar al detective del cómic de Chester Gould Dick Tracy nun par de filmes: Dick Tracy y Dick Tracy vs. Cueballhttps://dicktracy.fandom.com/wiki/Morgan_Conway. Diversos medios, incluyendo al escritor de Dick Tracy Max Allan Collins, consideren que Conway foi'l meyor intérprete del detective.
Les películes de Conway tuvieron ésitu nos cines, pero los exhibidores avezáronse a la figura del primer Dick Tracy, l'actor Ralph Byrd. Byrd interpretara'l papel en cuatros seriales d'ésitu, y físicamente paecíase más al personaxe del cómic. Por ello dalgunos exhibidores solicitaron a RKO faer más filmes de Tracy, pero interpretaos por Byrd. RKO sustituyólu, reasignando a Conway pa interpretar dos filmes de serie B. L'estudiu dexó práuticamente de rodar esta mena de filmes en 1947, polo que'l contratu de Conway nun s'anovó.
Morgan Conway abandonó'l cine y volvió a Nueva Jersey, finando a los 78 años d'edá na población de Livingston.
Referencies
Enllaces esternos
Categoría:Actores y actrices d'Estaos Xuníos Categoría:Persones de Nueva Jersey