William David Daniels ye un actor d'Estaos Xuníos, conocíu principalmente poles sos actuaciones en The Graduate como'l padre de Dustin Hoffman, como'l presidente John Adams nel musical 1776, como la voz de KITT en Knight Rider, y pol so papel del Dr. Mark Craig en St. Elsewhere. Foi presidente del Sindicatu d'Actores ente 1999 y 2001.
Biografía Primeros años Daniels nació en Brooklyn, Nueva York, fíu d'Irene y David Daniels.http://www.filmreference.com/film/17/William-Daniels.html Graduóse na Universidá de Northwestern en 1949; y casóse en 1951 cola actriz y ganadora del Emmy Bonnie Bartlett, cola cuál anguaño tienen dos fíos.
Carrera El so debú foi como direutor d'una escuela nel drama pacifista Ladybug Ladybugen, en 1963. En 1967, protagoniza xunto a Dustin Hoffman y Anne Bancroft The Graduate. En 1969, Daniels estelariza el musical 1776, col personaxe de John Adams, apaeciendo col mesmu personaxe na versión llevada al cine en 1972.
En 1976, apaez como John Quincy Adams na misiserie de la PBS, The Adams Chronicles; nel mesmu papel col cuál apaeció en 1952, cuando'l so personaxe yera un neñu. thumb|William Daniels xunto a la so esposa Bonnie Bartlett na entrega de los Emmy de 1987. Al trabayar pa la NBC, ente 1982 y 1986 empresta la so voz pa KITT, la serie Knight Rider. Trabayando pa la mesma cadena televisiva, toma'l papel del Dr. Mark Craig nel drama médicu St. Elsewhere ente 1982 y 1988. Esti últimu papel fadrá-y llograr dos premios Emmy. Na década de 1990, Daniels protagonizó'l rol del profesor George Feeny na serie Boy Meets World ente 1993 y 2000.
Premios En 1986, Daniels y la so esposa Bonnie Bartlett, cola cuál yeren pareya en St. Elsewhere y Aprendiendo a Vivir, ganaron el Premiu Emmy la mesma nueche, convirtiéndose na primer pareya casada en ganar el premiu coles mesmes desque Alfred Lunt y Lynn Fontanne llograr en 1965 por una película.
La Universidá de Northwestern apurre añalmente los Premios William Daniels (llamaos los "Willies"), el cuál honra les meyores actuaciones, direutores, coreógrafos nel campu teatral mientres l'añu.
Referencies
Categoría:Actores y actrices d'Estaos Xuníos Categoría:Actores y actrices de doblaxe d'Estaos Xuníos Categoría:Ganadores del premiu Emmy Categoría:Persones de Brooklyn