Adam Charles Goldberg ye un actor, direutor, productor y músicu d'Estaos Xuníos. Como actor en delles ocasiones interpretó'l papel prototípicu d'un mozu xudíu de Nueva York», especialmente en filmes y programes televisivos de los años 1990 y 2000, ente los cualos destácase la so actuación na parodia The Hebrew Hammer.

Biografía Infancia y mocedá Goldberg nació en Santa Monica, California, pero mientres la so mocedá vivió cerca de Miami Beach. Los sos padres son Earl Goldberg y Donna Goebel (apellíu de soltera). El so padre ye xudíu y la so madre ye católica romana d'ascendencia irlandesa, francesa y xermana. Foi educáu so la relixón xudía y asistió a una escuela hebrea, a pesar de que refugó que-y realizaren el so Bar Mitzvá, porque declaró que sería un xestu pocu sinceru ya irrespetuosu de lo so parte. Dempués de guardar una obra teatral escolar de Shakespeare, Goldberg sintióse esteláu ya inscribióse en dellos talleres d'actuación mientres la so adolescencia. Tuvo una participación bien activa en producciones teatrales mientres los sos años d'estudiu nel institutu Sarah Lawrence College. Antes de ser actor, y mientres los sos primeros papeles, trabayaba nuna llibrería.

Carrera profesional El primer papel importante de Goldberg foi en 1992, na película de Billy Crystal Mr.Saturday Night, pero según él, la so primer película "real" foi Dazed and Confused (1993). Sicasí, el papel que lu llevó a la fama foi'l de soldáu d'infantería na esitosa película de Steven Spielberg, Saving Private Ryan en 1998, na cual interpretó a Mellish. A pesar de que participó en papeles protagonistes, como na serie televisiva de 2005 llamada Head Cases, la mayoría de les sos apaiciones fueron en roles secundarios.

Dalgunes de les sos actuaciones memorables inclúin a Jerry, el miserable sirviente de Gabriel (interpretáu por Christopher Walken), na película de suspense The Prophecy, y el papel de Eddie Menuek, un psicóticu en cantu de la llende, na serie televisiva Friends. Tamién emprestó la so voz xunto a otros famosos actores de voz como Dan Castellaneta y Charlie Adler. Ente les películes nes qu'utilizó la so voz p'animar personaxes atópense Babe: Pig in the City y caricatures como Eek! The Cat. Goldberg xeneralmente interpreta personaxes d'estereotipu xudíu como nos filmes Dazed ans Confused, The Hebrew Hammer ya interpretando al fíu d'un productor na serie Entourage.

Nel 2005 tuvo una apaición estensa nel documental de la banda Flaming Lips tituláu The Fearless Freaks, y nel 2008 tuvo una actuación secundaria nel filme de ciencia ficción Christmas on Mars, que ye una película empobinao y escrito pol líder de la banda Flaming Lips, Wayn Coyne. En 1999, apaeció nel videu musical de "There She Goes" de la banda Sixpence None The Richer.

Goldberg escribió, produció, dirixó y editó les películes Scotch and Milk y I Love Your Work, según dellos proyeutos de televisión, incluyendo'l notable filme con encamientos de viaxe, Running with the Bulls pa la canal de televisión IFC. Amás ye guitarrista y compositor de cantares, y ente'l so obres atopen la música de les películes I Love Your Work, Running with Bulls, y un cantar de la banda sonora del filme Hebrew Hammer. Publicó álbumes de rock y jazz, incluyendo'l discu emponderáu polos críticos Changes, con collaboración del percusionista de jazz llatín Phil Maturano. Adam Goldberg probó ser un artista y músicu seriu y dedicáu.

Tamién trabayó na serie policial The Unusuals, onde interpreta a un detective de Nueva York con cáncer cerebral, que se niega a tratase por cuenta del so refugu polos médicos. El so personaxe foi descritu como "sarcásticu" y Goldberg foi descritu como "una de les meyores razones pa ver la serie".

Vida privada Goldberg caltuvo una rellación sentimental cola actriz Christina Ricci, hasta principios de 2006. Ricci declaró a la revista W a mediaos de 2006 que retomaren la so rellación amorosa y dixo «…Yo l'amu y siento como si tuviéramos fechos l'unu pal otru». Sicasí, unos meses dempués la pareya dixebróse.

Filmografía +Cine y televisión Añu Títulu Personaxe Notes 1992Mr. Saturday NightEugene GimbelEek! the CatEek (voz) 1993Son in LawDazed and ConfusedMike Newhouse1995 Higher LearningDavid Isaacs 1996 The ProphecyJerryFriendsEddie Actuó en tres episodios de la segunda temporada Homeward Bound II: Lost in San FranciscoPete(voz)1996-1997 RelativityDoug Kroll 1998 Scotch and MilkJimSome GirlFreud Saving Private RyanStanley MellishBabe: Pig in the CityFlealick (Voz)1999EDtvJohn2000Sunset StripMarty Shapiro 2001Waking LifeUnu de los cuatro homes (Voz)All Over the GuyBrett Miles Sanford Fast SofaJack Weis According to SpencerFeldyA Beautiful MindSol2002The Salton SeaKujo 2003 I Love Your WorkCaméuThe Hebrew HammerMordechai Jefferson CarverHow to Lose a Guy in 10 DaysTony2004FrankensteinDetective Michael Sloane 2005The Fearless FreaksCaméuMan About TownPhil Balow 2005-2006JoeyJimmy 8 Episodios 2006 My Name Is EarlPhiloEpisodiu 15 - "Something to Live For" Stay AliveMiller Banks Déjà VuDr. Alexander Denny 20072 Days in ParisJack ZodiacDuffy Jennings Nancy DrewEntourageNick RubensteinMediumBruce Rossiter 2008Christmas on MarsFrom WithinRoy Miss Nobody Bill Malloy 2009"untitled"The UnusualsDet. Eric DelahoyNormanSr. Angelo 2010White CollarJason Lang Segunda temporada (1 episodiu)2011The Prince of ProvidenceRonnie GlantzPreproducción2014Fargo Mr.Numbers Primer temporada 2015No Way Jose Jose Stern Post-producción

Referencies

Enllaces esternos

Categoría:Actores y actrices d'Estaos Xuníos Categoría:Persones de Santa Monica (California)