Monte Hale foi un cowboy cantante y actor cinematográficu d'Estaos Xuníos, activu nel xéneru western de serie B.
Biografía El so verdaderu nome yera Samuel Buren Ely y, anque s'afirma con frecuencia que nació en San Angelo, Texas, realmente yera de Ada (Oklahoma), anque una llocalidá de Texas sonaba meyor nel ambiente cinematográficu.B-Westerns Hale empezó a cantar y a tocar la guitarra a temprana edá en llocalidaes de Texas, amás de participar n'espectáculos de vodevil y rodeo.
Mientres la Segunda Guerra Mundial Hale consiguió un trabayu como sustitutu del guitarrista nel grupu Stars Over Texas Bond Drive. Más palantre collaboró con Republic Pictures y, al roblar un contratu de siete años de duración, adoptó'l nome artísticu de Monte Hale. Llueu Hale consiguió'l so primer papel d'importancia col filme Home on the Range (1946). Nos primeros años cincuenta, al empar qu'actuaba nel cine B de xéneru western, Hale cantaba en rodeos y espectáculos circenses. Sicasí, nun tardó enforma en retirase del cine, dedicándose a ctuar en convenciones de calter western.
El 12 de payares de 2004, a Hale concedióse-y una estrella nel Paséu de la Fama de Hollywood, pol so trabayu pal cine.
Hale foi decisivu pa la fundación de ll qu'anguaño ye conocíu como'l Autry National Center del Oeste Americanu.
Monte Hale finó en 2009, a los 89 años d'edá, en Studio City (Los Angeles), California, tres una llarga enfermedá derivada de la so avanzada edá. Sobrevivió-y el so muyer mientres 31 años, Joanne.Singing Cowboy Monte Hale Dies Yahoo News, March 30, 2009 Foi enterráu nel Campusantu Forest Lawn Memorial Park de Hollywood Hills, Los Angeles.
Referencies
Enllaces esternos
Monte Hale en B-Westerns
Categoría:Cantantes d'Estaos Xuníos