Mary Beth Supinger Delles fontes citen equivocadamente 1948 como añu de la so nacencia. más conocida como Mary Beth Hurt, foi una actriz de cine y teatru d'Estaos Xuníos.
Biografía Nació en 1946 en Marshalltown, Iowa, como Mary Beth Supinger, fía de Delores Lenore (nome de soltera, Andre) y Forrest Clayton Supinger.Biografía de Mary Beth Hurt Mientres la so infancia, tuvo por neñera a l'actriz Jean Seberg, tamién natural de Marshalltown. Estudió arte dramático na Universidá d'Iowa y na Escuela Tisch d'Artes de la Universidá de Nueva York.
Tuvo casada col actor William Hurt mientres 10 años (ente 1971 y 1981). Tres el divorciu de dambos, en 1983 casóse nuevamente col direutor y escritor Paul Schrader, con quien tuvo un fíu y una fía.
Carrera
Teatru Hurt fixo'l so debú teatral en Nueva York, en 1974. Tuvo nomada a trés Premios Tony poles sos interpretaciones en Broadway de Trelawny of the 'Wells' (obra de Beth Henley ganadora d'un Premiu Pulitzer, na que representaba'l papel de Meg), Crimes of the Heart (pola que ganó un Premiu Obie) y Benefactors.
Cine Debutó nel cine na película de Woody Allen Interiors, interpretando'l papel de Joey, la mediana de trés hermanes qu'hai de trepar coles consecuencies emocionales de la desintegración familiar y el carecimientu de la so madre d'una enfermedá mental. Otros trabayos inclúin el de Laura en Chilly Scenes of Winter; Helen Holm Garp en The World According to Garp; y Regina Beaufort nel filme de Martin Scorsese The Age of Innocence.
Doblaxe Hurt interpretó a Jean Seberg, en voz en off, nel documental de 1995 de Mark Rappaport From the Journals of Jean Seberg.
Filmografía Interiors (1978) Chilly Scenes of Winter (1979) The Five Forty-Eight (1979) A Change of Seasons) (1980) The World According to Garp (1982) D.A.R.Y.L. (1985) Compromising Positions (1985) Parents (1989) Slaves of New York (1989) Light Sleeper (1992) Six Degrees of Separation (1993) My Boyfriend's Back (1993) The Age of Innocence (1993) Boys Life 2 (1997) Affliction (1997) A la llende (1999) Autumn in New York (2000) The Family Man (2000) El dragón coloráu (2002) The Exorcism of Emily Rose (2005) Lady in the Water (2006) The Dead Girl (2006) Untraceable (2008)
Referencies
Enllaces esternos
Categoría:Persones d'Iowa Categoría:Actores y actrices d'Estaos Xuníos