Rupert Julian foi un actor, direutor, guionista y productor cinematográficu d'Estaos Xuníos.
Biografía El so verdaderu nome yera Thomas Percival Hayes, y nació en Whangaroa, Nueva Zelanda, siendo los sos padres John Daly Hayes y Eliza Harriet Hayes.
Rupert Julian actuó nel teatru y nel cine na so nativa Nueva Zelanda y Australia enantes d'emigrar a los Estaos Xuníos en 1911, onde empezó una carrera como actor nel cine mudu d'Universal Studios.
En 1915 empezó a trabayar na direición, de cutiu dirixendo a la so esposa, Elsie Jane Wilson, pero la so función yera puramente rutinaria hasta qu'en 1923 foi designáu pa completar la película Merry-Go-Round, al ser despidíu del proyectu'l direutor orixinal, Erich von Stroheim. Otra destacada película dirixida por él foi la producción de 1925 protagonizada por Lon Chaney The Phantom of the Opera.
Sicasí, tres la llegada del cine sonoru la so carrera empezó a tornar, siendo les sos útlimos filmes The Cat Creeps y Love Comes Along (dambos de 1930).
Rupert Julian finó en Hollywood, California, en 1943 por causa de un ictus. Tenía 64 años d'edá. Foi enterráu nel Campusantu Forest Lawn Memorial Park de Glendale, California.
Referencies
Referencies
Enllaces esternos
Rupert Julian at Find-A-Grave
Categoría:Direutores de cine d'Estaos Xuníos Categoría:Direutores de cine de Nueva Zelanda Categoría:Actores y actrices de cine mudu Categoría:Actores y actrices de cine de Nueva Zelanda