Kelly Lynch ye una actriz y ex-modelu d'Estaos Xuníos.
Vida y carrera Kelly nació en Golden Valley (Minnesota), fía de Bárbara, una baillarina de danza moderna, y de Robert Lynch, un prestixosu chef. Empezó cola actuación nel teatru de La Guthrie en Minnesota. Antes de debutar nel cine, trabayó como modelu pa l'axencia Elite.
Les primeres películes importantes nes qu'apaeció Lynch fueron: Cocktail de 1988 con Tom Cruise, depués Drugstore Cowboy y Road House, dambes de 1989 y protagonizaes respeutivamente por Matt Dillon y Patrick Swayze. La so actuación en Drugstore Cowboy valió-y una nominación a los premios Independent Spirit, a los que foi nuevamente nomada en 1994 por The Beans of Egypt, Maine. Otres películes nes qu'actuó son: Desperate Hours, Curly Sue, Virtuosity, Heaven's Prisoners, Mr. Magoo, Charlie's Angels y The Jacket.
Na televisión, Lynch participó como actriz recurrente nes series The L Word (2004-2009), como Ivan Aycock; 90210 (2010-2011), como Laurel Cooper, y en Magic City, como Meg Bannock.
Lynch ta casada col productor y guionista Mitch Glazer, dende 1992, y tien una fía, Shane, nacida en 1985, d'una rellación anterior.
Referencies
Enllaces esternos
Categoría:Actores y actrices d'Estaos Xuníos Categoría:Modelos d'Estaos Xuníos Categoría:Persones de Minnesota