Kerry Remsen ye una antigua actriz d'Estaos Xuníos, fía del tamién actor Bert Remsen y de la direutora de casting Barbara Joyce Dodd. Desenvolvió la so actividá en cine y televisión mientres les décades de los 80 y 90.
Biografía Kerry Remsen ye fía de Bert Remsen (1925-1999), quien foi un actor habitual en series de televisión y nel cine de Robert Altman, y de Barbara Dodd. Kerry tien tamién una hermana, Ann Remsen Manners. Criada en California, Kerry asistió al Institutu U.S. Grant High School, asitiáu en Van Nuys. Esta institución imparte, ente otres, enseñances de calter audiovisual, y de él surdieron futures estrelles del espectáculu como Tom Selleck o Kay Lenz. Empecipió la so actividá como actriz na televisión a principios de la década de los 80, desempeñando dende entós cerca d'una ventena de papeles ente'l cine y la televisión. Remsen dexóse ver en delles películes horroroses de baxu presupuestu -d'ente les que pueden destacar la segunda entrega de A Nightmare on Elm Street, de Jack Sholder, y Pactu de Sangre, debú na realización del magu de los efeutos especiales Stan Winston- y en diverses series de televisión. Sicasí, nun terminó de llograr papeles principales, y dexaría la interpretación a mediaos de los 90. Kerry Remsen ta casada dende'l 6 de mayu de 2006 con Ron Cates.
Filmografía y creitos
Jacqueline Susanne's Valley of the Dolls (1981) (TV)...Teenage Girl (Adolescente) Not My Kid (1985) (TV)...Chris Appointment With Fear (1985)...Heather A Nightmare on Elm Street 2: Freddy's Revenge (1985)...Girlfriend (novia) The Facts of Life (Episodiu 3,2,1) (1985) (TV)...Stage Manager (Direutora d'escena) Smart Alec/Hollywood Dreaming/The Movie Maker (1986)...Samantha Eulogy (Family Ties) (Episodiu Starting Over) (1986) (TV)...Rennie Dreams of Gold:The Mel Fisher Story (1986) (TV)...Talli Fisher Nuevos policías (21 Jump Steet) (Episodiu The Worst Night of Your Life) (1987) (TV)...Tracy CBS School Break Special (Episodiu An Enemy Among Us) (1987) (TV)...Jerri Nuesa casa (Episodiu Sounds Fom a Silent Clock: Part 1) (1987) (serie de televisión) Encruciyada de pasiones (Two Moon Junction) (1988)...Carolee Pactu de sangre (Pumpkin Head/Vengeance: The Demon) (1988)...Maggie Ghoulies II (Ghoulies II) (1988)...Nicole ABC Afterschool (Episodiu Tom Between Two Fathers) (1989) (TV)...Recepcionista Cuando espierta la nueche (After Midnight) (Segmentu Allison's Story) (1989)...Maggie Un médicu precoz (Doogie Howser,M.D.) (Episodiu Car Wars) (1990) (serie de televisión)...Trish Sensación de vivir (Beverly Hills 90210) (Episodiu A Song For My Mother) (1995) (TV)...Recepcionista Indictment The McMartin Trial (1995) (TV)...Female Parent (Madre) White Man's Burden (1995)...Pregnant Woman at Bus Stop (Muyer embarazada na parada d'autobús)
Referencies
Enllaces esternos
Categoría:Actores y actrices d'Estaos Xuníos Categoría:Persones de California