Peggy Lipton Jones foi una actriz de cine y televisión d'Estaos Xuníos.
Biografía Actuó como Dulcie Colby na serie The Virginian en 1966, col capítulu "The Wolves in front, The Jackals Behind", capítulu 26 de la temporada sesta (4x26). Pero'l so papel más importante foi interpretar a Norma Jennings na serie de cultu Twin Peaks, de David Lynch, que s'emitió dos temporaes.
Actuó tamién na serie televisiva The Mod Squad (PATRULLA XUVENIL) (1968-1973), una serie d'aición que tenía como protagonistes a trés mozos llamaos Pete Cochran, Linc Hayes y Julie Barnes. Toos ellos tuvieren problemes cola xusticia, pero un capitán de policía llamáu Adam Greer da-yos l'alternativa de nun ingresar en prisión si a cambéu formen parte d'una unidá d'axentes especiales de incógnito, con cuenta de los sos aspeutos xuveniles nun llevanten barruntos pa infiltrarse nes bandes criminales del sur de California.
El so trabayu nesta serie supunxo ser nomada cuatro años consecutivos a los Premios Globu d'Oru como meyor actriz en drama, ganándolo en 1971, amás de ser cuatro vegaes nomada a los Premios Emmy.
Vida personal Tuvo casada con Quincy Jones y ye madre de la tamién actriz Rashida Jones. En 2004 informó que-y diagnosticaren cáncer de colon y recibió tratamientu. El 11 de mayu de 2019 morrió por entueyos d'esta enfermedá en Los Angeles, California. Tenía 72 años.
Referencies
Enllaces esternos
Categoría:Actores y actrices d'Estaos Xuníos Categoría:Persones de Nueva York Categoría:Ganadores del Globu d'Oru a la meyor actriz dramática (televisión)