Carey Lowell ye una actriz y ex modelu d'Estaos Xuníos.
Vida temprana Lowell nació n'Huntington, Nueva York, fía del xeólogu James Lowell. Ella pasó gran parte de la so infancia viviendo en países Libia, los Países Baxos, Francia y nos Estaos Xuníos, en Houston, Texas y Denver, Colorado, onde s'asitió cola so familia cuando tenía 12 años. Dempués d'un añu na Universidá de Colorado en Boulder, onde s'especializó en lliteratura, ella camudóse a Nueva York pa siguir modelaje y modeló pa veceros como Ralph Lauren y Calvin Klein, y en dalgún momentu asistió a la Universidá de Nueva York. Ella tamién estudió nel Neighborhood Playhouse School of the Theatre.
Carrera Lowell aprució na actuación con un pequeñu papel na película de Robin Williams Club Paradise. Ella depués interpretaría papeles como los de la chica Bond Pam Bouvier na película de James Bond Licence to Kill (1989) y, a partir de 1996, a l'ayudante del Fiscal del Distritu Jamie Ross na serie de televisión Law & Order, un personaxe qu'ella repitió en 2005 pa un papel convidáu nel so spin-off, Law & Order: Trial by Jury. Darréu enantes d'esi papel, sicasí, ella habíase vueltu atayada cola so carrera como actriz y aplicóse pal estudiu de cine documental na Universidá de Nueva York.
Ella dexó l'actuación a mediaos de la década de 2000. En 2012, Lowell emprestó la so imaxe y la so voz pa retomar el so papel en Licence to Kill nel videoxuegu 007 Legends.
Vida personal Lowell tuvo casada tres veces. El so primer home foi'l fotógrafu de moda John Stember, con quien tuvo casada dende 1984 a 1988.
Ella tuvo casada col actor Griffin Dunne dende 1989 a 1995, con quien tien una fía, Hannah, nacida en 1990.
Lowell casóse col actor Richard Gere en payares de 2002, tres la nacencia del fíu de dambos Homer James Jigme Gere, quien nació en febreru de 2000. Lowell, como'l so home, ye partidaria de caltener la cultura del Tíbet y practica budismu tibetanu. Un informe d'un periódicu de Nueva York en setiembre de 2013 dixo que tuvieren viviendo en cases separaes dende va tiempu daquella: Gere na so casa en Bedford, Nueva York y Lowell na so finca Strongheart en North Haven, Nueva York.
Filmografía selecta Licence to Kill (1989) – Pam Bouvier Sleepless in Seattle (1993) – Maggie Baldwin Love Affair (1994) – Martha Leaving Las Vegas (1995) – Caxera de bancu Law & Order (1996–2001) – Jamie Ross Law & Order: Trial by Jury (2005) – Jamie Ross Empire Falls (2005) – Francine Six Degrees (2006–2007) – Christine Caseman
Referencies
Enllaces esternos
Carey Lowell en AllMovie
Categoría:Actores y actrices d'Estaos Xuníos Categoría:Actores y actrices de doblaxe d'Estaos Xuníos Categoría:Persones de Nueva York Categoría:Modelos d'Estaos Xuníos Categoría:Persones de Huntington, Nueva York