Stephen McNally foi un actor d'Estaos Xuníos nacíu en Nueva York recordáu principalmente poles sos interpretaciones en munchos westerns y películes d'aición, anque nos años trenta, enantes de dedicase a l'actuación, trabayó como abogáu.
Biografía Empecipió la so carrera nel teatru utilizando'l so nome real Horace McNally. Los sos empiezos nel cine fueron en películes de la dómina de la Segunda Guerra Mundial, inda ensin apaecer el so nome nos títulos. En 1946, camudó'l so nome pol de Stephen McNally y foi apaeciendo nos creitos en papeles tantu de matón como d'héroe.
Foi'l villanu en películes tales como Johnny Belinda (1948) y el western clásicu de James Stewart Winchester '73 (1950). Tamién coprotagonizó la película de cine negru Criss Cross (L'abrazu de la muerte) (1949), xunto a Burt Lancaster.
Otres películes notables de los años cincuenta inclúin No Way Out (Un rayu de lluz) (1950), Split Second (1953), y Johnny Rocco (1958). Nel añu de 1964, actúo nel capítulu The Iron Maiden de la serie The Fugitive con David Janssen nel papel de Jack Glennon. Nos años setenta intervienos en programes televisivos tales como Fantasy Island con Ricardo Montalbán y The Rockford Files.
Casóse en 1941 con Rita Wintrich. Finó en 1994 por causa de un fallu cardiacu, a los 80 años.
Referencies
Enllaces esternos
Categoría:Abogaos y abogaes d'Estaos Xuníos Categoría:Actores y actrices d'Estaos Xuníos Categoría:Actores y actrices de wéstern