Mark Polish ye un actor, productor, guionista d'Estaos Xuníos conocíu por delles películes como Twin Falls Idaho (1999), Northfork (2003) y The Astronaut Farmer (2006).
Biografía Mark nació'l 30 d'ochobre de 1970 na ciudá d'El Centro, California, el so padre ye d'ascendencia austriaca y la so madre ye mexicana. Tien un hermanu ximielgu llamáu Michael Polish, anque Mark nació en primer llugar con 20 minutos de diferencia. Trabaya al pie del so hermanu Michael realizando la función d'actor, guionista, productor y dacuando como co-direutor. Dambos son conocíos nel mundu del cine como los hermanos Polish.
Debutó como actor en 1996 cola película Hellraiser: Bloodline, dirixida por Alan Smithee y onde interpretaba a unu de los ximielgos cenobites, onde'l so hermanu Michael yera l'otru ximielgu. Casóse con Wendy Polish y tuvieron una fía llamada Logan. Wendy ye diseñadora gráfica y dirixó'l departamentu d'arte de la película Northfork en 2003, un trabayu del so home Mark y el so cuñáu Michael.Biografía de Mark Polish na so propia web oficial Consultáu 01-07-2014
En 1999 escribió y participó como actor na película Twin Falls Idaho, onde'l so hermanu Michael exerció de direutor, amás d'ayudar na producción y el guión. Este foi'l primer trabayu de dambos como "los hermanos Polish".Ficha de Twin Falls Idaho en Filmaffinity Consultáu'l 01-07-2014.
La so cuñada ye l'actriz d'Estaos Xuníos Kate Bosworth, quien ye bien conocida pol so papel de Jill Taylor na película 21: Blackjack.Kate Bosworth en 21: Blackjack Consultáu'l 01-07-2014.
Filmografía
Cine Añu Película Papel Función 2015 Hot Bot (post-producción) - Guionista 2011 For Lovers Only Yves Actor, guionista y productor2009 Stay Cool - Actor y guionista The Smell of Success - 2006 The Astronaut Farmer Axente Mathis del FBI Actor, guionista y productor 2003 Northfork Willis O'Brien 2002 The Good Thief Albert Actor 2001 Jackpot Sad Eyes Actor, guionista y productor 1999 Twin Falls Idaho Blake Falls Actor y guionista 1996 Hellraiser: Bloodline Ximielgu Cenobita Actor
Curtiumetraxes Añu Títulu Papel Direutor 2008 A el's Beef Al Dennis Hauck 2004 Job 7:10 Tony Perri, Sheldon Strickland
Premios y nomamientos
Premios Gotham Añu Categoría Película Resultáu 1999 Meyor película Twin Falls Idaho Nomáu
Premios Independent Spirit Añu Categoría Película Resultáu 2002 Premiu John Cassavetes Jackpot Ganador
Referencies
Enllaces esternos
Páxina web oficial de los hermanos Polish
Categoría:Guionistes de cine d'Estaos Xuníos Categoría:Productores de cine d'Estaos Xuníos