Edgar Allan Poe foi un escritor d'Estaos Xuníos del sieglu XIX, autor de poemes, noveles y rellatos. Ta consideráu como ún de los precursores de la lliteratura fantástica, policiaca y de la ciencia-ficción moderna. Foi renovador de la novela gótica, recordáu especialmente polos sos cuentos d'horror. Consideráu l'inventor del rellatu detectivescu, contribuyó asinamesmo con varies obres al xéneru emerxente de la ciencia-ficción.
Foi bautizáu como Edgar Poe en Boston, Massachusetts, y so padre y so madre morrieron cuando yera neñu. Foi recoyíu por un matrimoniu adineráu de Richmond, Virxinia, Frances y John Allan, aunque nunca foi adoptáu oficialmente. Pasó un cursu académico na Universidá de Virxinia y posteriormente enrolóse, tamién por pocu tiempu, nel exércitu. Les sos rellaciones colos Allan franceríense nesa dómina, debío a les continues desavenencies col so padrastru, que venía desoyendo les sos peticiones d'ayuda y acabó desheredándolu. La so carrera lliteraria entamó con un llibru de poemes, Tamerlane and Other Poems (1827).
Referencies
Enllaces esternos
*