Patrick McGoohan Patrick McGoohan, 'El prisioneru' de la televisión foi un reconocíu actor, quien tuvo una estensa trayeutoria profesional como actor, autor, guionista y direutor.
Famosu mundialmente poles dos güei reconocíes "Series de Cultu"; Danger Man y The Prisoner que lo alluguen ente los personaxes más populares de les series de TV de los años 60.
Nel cine ye memorable la so actuación, dando vida al arteru, cruel y ambiciosu Rei Eduardu I d'Inglaterra "El Zanquilargo" nel l'aclamáu y clásicu filme épicu Braveheart (1995) de Mel Gibson.
Biografía El so nome real yera Patrick Joseph McGoohan. Fíu d'inmigrantes n'Estaos Xuníos, a poco tiempu de nacer ye treslladáu a Irlanda cuando los padres deciden retornar a la so patria. Establecíos yá nel Condáu de Leitrim, la so temprana niñez vese financieramente aprobetada poles deldes acumulaes na granxa familiar, que produz pocu nun suelu probe. Na escuela destaca en matemátiques y boxéu, y más tarde trabaya como granxeru, emplegáu de bancu y conductor de camión enantes de consiguir un trabayu como tramoyista nel Teatru de Sheffield. Cuando unu de los actores cai enfermu, Patrick sustitúyelu y yá nun va abandonar el mundu de l'actuación. Ellí namórase d'una viviega actriz llamada Joan Drummond, a la que cunta qu'escribía cartes d'amor tolos díes. Entá güei son consideraos una de les pareyes más felices del mundu del espectáculu. Apoderaos pola pasión, casáronse aprovechando un descansu ente l'ensayu de The Taming of the Shrew y la función nocherniega'l 19 de mayu de 1951. Tuvo tres fíos, Catherine (n. 1952), Anne (n. 1959) y Frances (n. 1960).
Realizó papeles importantes, xeneralmente de villanu o de figures con autoridá y poder, en películes notables como Fuga d'Alcatraz Escape from Alcatraz (dando vida al alcaide de la prsión), Estación Polar Cebra, Silver Streak, The Man in the Iron Mask, Oxetivu: Patton y la ganadora del Óscar: Braveheart.
<p>McGoohan foi escoyíu primero que Sean Connery pa interpretar el papel de James Bond na primer película de la saga Dr. No anque él refugó'l papel. <p>Nel 2000 apaeció na serie de The Simpsons nel episodiu The Computer Wore Menace Shoes (L'ordenador qu'acabó con Homer) nel que Homer va a una islla al igual que na serie de McGoohan el The Prisoner.
<p> Morrió'l 13 de xineru de 2009 en Los Angeles, California.
Filmografía parcial 2002 - El planeta de l'ayalga (voz) 1996 - Hysteria, llocura universal 1996 - Tiempu de matar 1995 - Braveheart 1990 - Axenda pa un crime 1985 - Baby, el secretu de la lleenda perdida 1980 - Scanners 1979 - El camín difícil 1979 - Escape from Alcatraz 1978 - Oxetivu: Patton 1976 - The Man in the Iron Mask 1976 - Silver Streak 1970 - L'infiernu del Whiskey 1968 - Estación Polar Cebra 1967 - Koroshi 1964 - The Three Lives of Thomasina 1962 - All Night Long 1958 - El valle de los mil llombes 1957 - Ruta infernal 1955 - Soi una cámara
Referencies
Enllaces esternos Entrevista con Patrick McGoohan
24 hores con Patrick McGoohan (n'inglés) McGoohan and Prisoner News Page (n'inglés)
Categoría:Persones de Los Angeles Categoría:Actores y actrices d'Estaos Xuníos Categoría:Actores y actrices de wéstern