Antonio Moreno foi un actor y direutor español. El so nome verdaderu yera Antonio Garrido Monteagudo Moreno. Conocíu n'inglés dacuando como 'Tony Moreno', foi unu de los 'sex-symbol' y más famosos actores de la era muda del cine, compartiendo cartelu con actrices como Greta Garbo, Pola Negri, Gloria Swanson o Clara Bow.
Primeros años Antonio Moreno nació en Madrid, España, en 1887, anque la so infancia trescurrió n'Andalucía, en Campamentu, San Roque. Fíu de militar, quedó güérfanu bien pequeñu. Por razones económiques emigraría cola so madre a Estaos Xuníos a la edá de quince años. Una vegada n'Estaos Xuníos, trabayó nuna compañía de gas y lletricidá, ensin manifestar nengún interés pol cine. En 1910, torna temporalmente a España onde conoz a l'actriz Helen Ware, quien lo convence pa probar suerte como actor de teatru; de primeres en namái en papeles secundarios por causa del so acentu español. Debutaría pocu dempués nel cine mudu, y en 1913 roblaría un contratu con Vitagraph que lo convertiría nún de los actores más cotizaos del cine mudu y, xunto a Rodolfo Valentino, unu de los llamaos 'Latin lovers'.
Hollywood Tres dellos papeles secundarios y d'extra, Moreno llueu llegó a interpretar papeles protagonistes xunto a otros de los actores y actrices más cotizaos del momentu. Asina llegaríen películes como La casa del odiu (The house of hate, 1918) xunto a Pearl White, My American wife (1922) con Gloria Swanson, La tierra de toos (The temptress, 1926), dirixida por Fred Niblo con Greta Garbo como protagonista, Mare nostrum (1926) de Rex Ingram xunto a Alice Terry o unu de los sos mayores ésitos, la película Ello (It, 1927), una comedia romántica dirixida por Clarence G. Badger colos actores Gary Cooper y Clara Bow; película qu'acuñaría'l términu 'It girl'. Moreno trabayó para Vitagraph, Paramount y Metro Goldwyn Mayer, y tamién dirixó delles películes; la primera, en 1920, llamada The veiled mystery, y darréu delles películes en Méxicu. Cola llegada del cine sonoru o 'talkies' la so carrera empezó a aparrar por cuenta del so fuerte acentu, polo qu'empezó a doblar películes al español ya inclusive rodó una película n'España: María de la O, dirixida por Francisco Elías xunto a Carmen Amaya y Pastora Imperio.
Vida personal En 1923, Moreno casóse con Daisy Canfield Danziger, una dama viuda de l'alta sociedá de la que se divorciaría en 1933. Dambos vivíen nuna luxosa casona llamada Crestmount.
Moreno finó'l 15 de febreru de 1967 por cuenta de un ataque d'apoplexía cuando tenía 79 años. Ta soterráu nel campusantu Forest Lawn Memorial Park de de Los Angeles, California.
Filmografía
Filmografía como direutor Revolución (tamién llamada La solombra de Pancho Villa), 1933 Águiles frente al sol, 1932 Santa, 1932 The veiled mystery, 1920
Referencies
Enllaces esternos
3.htm Españoles en Hollywood: Antonio Moreno
from=PL&index=37 Película La tierra de toos, con Greta Garbo
Categoría:Actores y actrices d'España Categoría:Actores y actrices de cine mudu Categoría:Persones de la Comunidá de Madrid