Paula Prentiss ye una actriz d'Estaos Xuníos conocida por películes como Where the Boys Are, Man's Favorite Sport?, The Stepford Wives, The Black Marble y The Parallax View.
Carrera Prentiss diose a conocer como actriz cómica por películes como Where the Boys Are, The Honeymoon Machine, Bachelor in Paradise y The Horizontal Lieutenant, onde facía pareya col actor Jim Hutton. Más tarde protagonizó xunto a Rock Hudson la comedia de Howard Hawks Man's Favorite Sport?; en The World of Henry Orient y What's New Pussycat? alternó con Peter Sellers; intervieno en Catch-22 y Last of the Red Hot Lovers con Alan Arkin, y actuó en In Harm's Way xunto a John Wayne y Kirk Douglas, en Move al llau d'Elliott Gould, en The Parallax View con Warren Beatty, y en Buddy Buddy, la última película de Billy Wilder, xunto a Jack Lemmon, Walter Matthau y Klaus Kinski.
En 1967, Prentiss y el so maríu, el direutor y actor Richard Benjamin, protagonizaron por una temporada la "sitcom" de CBS He & She, qu'aportó a teleserie de cultu pola so modernidá, l'humor adelantráu a la so dómina y la so sofisticación, anunciando l'apaición de series como El show de Mary Tyler Moore. Por esti trabayu Prentiss foi nominada al premiu Emmy a Meyor Actriz de Comedia. Arriendes d'actuar en dellos filmes fechos pa la televisión, en 1981 l'actriz interpretó a Sonia Drácula, esposa del célebre vampiru (interpretáu por Dick Shawn) nel pilotu de la frustrada serie Mr. and Mrs Dracula.
Familia Paula y Richard tán casaos dende 1961 y son padres de Ross Benjamin y Prentiss Benjamin, tamién actores. La hermana de Paula, Ann Prentiss (1939-2010), yera tamién actriz, ya intervieno en numberoses teleseries y el filme de Robert Altman, California Split, ente otros.
Referencies
Enllaces esternos
Categoría:Actores y actrices de Texas Categoría:Persones de San Antonio (Texas)