Randy Wayne ye un actor d'Estaos Xuníos.
Wayne nació y crióse en Moore, Oklahoma. En 2002 participó nel programa de telerrealidad británicu Shipwrecked. Darréu collaboró como actor invitáu en dellos programes de televisión como The Closer, Huff, NCIS, Jack & Bobby y Numb3rs. Tamién interpretó'l papel de Jeff Fenton, un adolescente pocu brillante, na sitcom Sons & Daughters (2006) de la cadena de televisión ABC. Unu de los papeles más reconocíos qu'interpretó foi'l de Luke Duke nel telefilme The Dukes of Hazzard: The Beginning. Dende entós protagonizó numberoses películes independientes, incluyendo Dream Boy, Grizzly Park y Foreign Exchange. En 2008 interpretó a Michael na cinta The Haunting of Molly Hartley.
En 2009 participó nes películes Frat Party, The Last Hurrah y Ghost Town (película d'horror de la canal Syfy, que nun tien de confundir se cola película homónima de Ricky Gervais). En 2010 protagonizó la película To Save a Life (Pa Salvar Una Vida), onde encarnó'l papel Jake Taylor. Esi mesmu añu participó na cinta The Trial xunto a Matthew Modine. En 2011 actuó en Cougar Hunting y en cuatro episodios de la serie de televisión The Secret Life of the American Teenager, onde interpretó'l papel de Frank. Ente'l 2011 y 2012 intervieno en quince capítulos de la serie The Lying Game, onde encarnó'l papel de Justin Miller. En 2011 actuó na película Honey 2, que foi co-protagonizada por Katerina Graham. En 2011 participó en dos episodios de la serie de HBO True Blood.
En 2012 participó na película Hardflip
Referencies
Enllaces esternos
Categoría:Actores y actrices d'Estaos Xuníos