Albert Ray foi un direutor, actor y guionista cinematográficu d'Estaos Xuníos.
Biografía Nacíu en Nueva Rochelle, Nueva York, en rematando los sos estudios, Ray foi actor teatral en representaciones de teatru de branu, y actuó nel Harlem Opera House de la ciudá de Nueva York.
Como direutor cinematográficu, empecipióse rodando na Mariña Este curtiumetraxes pa los estudios Pathé. En 1915 foi a Hollywood, onde se centró en llabores de direición, anque tamién fixo actuaciones hasta l'añu 1922. Trabayó en comedies de Ben Turpin rodaes pa Vogue Pictures, dirixendo darréu na unidá Sunshine Comedies de Fox Film Corporation.Aubrey Solomon: The Fox Film Corporation, 1915–1935. A History and Filmography. McFarland, Jefferson NC o. a. 2011, ISBN 978-0-7864-6286-5, S. 41. Amás, en Paramount Pictures formó parte del departamentu de curtiumetraxes de la compañía.
Nos sos últimos años, ente les sos películes figuren dellos títulos western de serie B protagonizaos por Johnny Mack Brown.Anthony Balducci: Lloyd Hamilton. Poor Boy Comedian of Silent Cinema. McFarland & Company, Jefferson NC o. a. 2009, ISBN 978-0-7864-4159-4, S. 191. En total, a lo llargo de la so carrera dirixó 76 filmes, actuando en 18.
Albert Ray finó en 1944 en Los Angeles, California. Foi enterráu nel Campusantu Forest Lawn Memorial Park de Glendale, California. Había estáu casáu cola actriz Roxana McGowan, cola que tuvo dos fíos y de la que se divorció más palantre.Debra Ann Pawlak: Bringing up Oscar. The Story of the Men and Women who founded the Academy. Pegasus Books, New York NY 2012, ISBN 978-1-60598-137-6, Capítulu 20.
Seleición de la so filmografía When Do We Eat? (1918) The Night Riders (1920) The Ugly Duckling (1920) None But the Brave (1928) Unholy Love (1932) A Shriek in the Night (1933) Dizzy Doctors (1937) The Cheaters (1945)
Referencies
Enllaces esternos
Categoría:Direutores de cine d'Estaos Xuníos Categoría:Direutores de cine mudu Categoría:Actores y actrices de cine mudu Categoría:Guionistes de cine d'Estaos Xuníos Categoría:Persones de Nueva York