Biografía El so nome completu yera Dean Franklin Riesner, y nació en Nueva Rochelle, Nueva York. El padre de Riesner, Charles Reisner, foi direutor cinematográficu, y Dean empezó a actuar nel cine a los cinco años d'edá. La so carrera como actor infantil acabó pos la so madre quería qu'él tuviera una infancia normal. Yá adultu, el so primer trabayu nel cine foi como coguionista del filme de 1939 protagonizáu por Ronald Reagan Code of the Secret Service.
Riesner ganó un Premiu Óscar honorariu por dirixir Bill and Coo (1948), un llargumetraxe protagonizáu por páxaros reales, qu'apaecíen vistíu como humanos, actuando nel decoráu más pequeñu posible, un pueblu en miniatura construyíu enriba d'una mesa.
A lo llargo de los años 1950 y 1960, Riesner trabayó principalmente na televisión, escribiendo guiones pa series como Rawhide o The Outer Limits (episodiu "Tourist Attraction"), anque dacuando contribuyó a llargumetraxes como The Helen Morgan Story. En 1968 collaboró nel filme d'aición de Clint Eastwood La xungla humana, empecipiando asina una serie de trabayos en producciones de Eastwood a lo llargo de los años 1970. Asina, Riesner participó nel guión de dos filmes de Eastwood en 1971, Play Misty for Me y Dirty Harry. En 1973, ensin creitos, intervieno nel guión de High Plains Drifter, y en 1976 foi unu de los guionistes de The Enforcer, la tercer película de Dirty Harry. Esi mesmu añu intervieno na miniserie de la NBC Rich Man, Poor Man, protagonizada por Nick Nolte. En 1979 escribió un borrador pa The Godfather Part III, pero'l so guión foi refugáu cuando Francis Ford Coppola y Mario Puzo finalmente alcordaron collaborar na tercer entrega de la serie.
Riesner siguió escribiendo nos años 1980, anque gran parte del so trabayu nesos años nun apaeció nos títulos de creitu. Ente los sos filmes figuren Das Boot, The Sting II, y Starman.
Dean Riesner finó n'Encino, California, en 2002 por causes naturales. Había estáu casáu cola actriz Maila Nurmi, más conocida col nome artísticu de Vampira.
Filmografía
Guionista
1948 - Bill and Coo 1952 - Schlitz Playhouse of Stars (serie televisiva) 1954 - The Joe Palooka Story (serie televisiva) 1955 - So This Is Hollywood (serie televisiva) 1956 - Playhouse 90 (serie televisiva) 1956 - Ethel Barrymore Theater (serie televisiva) 1956 - Conflict (serie televisiva) 1957 - The Thin Man (serie televisiva) 1957 - The Restless Gun (serie televisiva) 1957 - The Helen Morgan Story 1959 - The Texan (serie televisiva) 1957 - Sugarfoot (serie televisiva) 1960 - Bat Masterson (serie televisiva) 1959 - Colt .45 (serie televisiva) 1960 - Bourbon Street Beat 1958 - Tarascu (serie televisiva) 1960 - Shotgun Slade (serie televisiva) 1960 - Bonanza (serie televisiva) 1958 - Lawman (serie televisiva) 1961 - The Case of the Dangerous Robin (serie televisiva) 1955 - Cheyenne (serie televisiva) 1960 - Surfside 6 (serie televisiva) 1960 - 77 Sunset Strip (serie televisiva) 1962 - G.Y. True (serie televisiva) 1963 - The Dakotas (serie televisiva)
1959 - The Many Loves of Dobie Gillis (serie televisiva) 1963 - The Outer Limits (serie televisiva) 1963 - Rawhide (serie televisiva) 1963 - The Virginian (serie televisiva) 1964 - Slattery's People (serie televisiva) 1964 - 12 O'Clock High (serie televisiva) 1965 - Bob Hope Presents the Chrysler Theatre (serie televisiva) 1965 - The Long, Hot Summer (serie televisiva) 1964 - Ben Casey (serie televisiva) 1967 - Ironside (serie televisiva) 1968 - Lancer (serie televisiva) 1968 - La xungla humana 1971 - Play Misty for Me 1971 - Dirty Harry 1973 - High Plains Drifter 1973 - Charley Varrick 1976 - Rich Man, Poor Man (serie televisiva) 1976 - The Enforcer 1981 - The High Country 1981 - Das Boot 1983 - El Truenu Azul 1983 - The Sting II 1983 - Sudden Impact 1984 - Starman 1987 - Fatal Beauty
Actor
1921 - Peck's Bad Boy 1922 - A Ladies Man 1923 - The Pilgrim 1923 - A Prince of a King 1935 - It's in the Air 1948 - The Cobra Strikes
1948 - Assigned to Danger 1950 - The Traveling Saleswoman 1950 - Young Man with a Horn 1950 - Operation Haylift 1950 - Gunfire 1953 - Mesa of Lost Women
Referencies
Enllaces esternos
Categoría:Guionistes de cine d'Estaos Xuníos Categoría:Guionistes de televisión d'Estaos Xuníos