El sánscritu () ye una llingua indoeuropea indoirania y la llingua clásica de la India. Escríbese principalmente n'alfabetu devanágari. Lliteralmente, el nome sánscritu vien del términu sánscritu saṃskṛta, que significa «perfeutamente fechu» o «purificáu», y deriva de les raíces sam (‘dafechu’) y kṛta (‘fechu’).
Divídese en dos formes principales: Sánscritu védicu, la variante más antigua, usada nos testos sacros del Rigveda y otros Vedes. Sánscritu clásicu, estandarizáu por Panini nel sieglu VI e.C. o Sieglu IV e.C., usáu en lliteratura, filosofía y relixón.
Caltiénse un númberu perbultable de testos lliterarios y relixosos en sánscritu, ente ellos los Vedes, Upanishads, Puranas, el Mahābhārata, el Rāmāyaṇa y munchos otros. Como llingua sagrada del hinduismu, los sacerdotes y eruditos dedicaron sieglos a preservar la forma pura d'esta llingua, especialmente per tradición oral.
N'época posterior, a partir del sánscritu y otros dialeutos prácritos, desenvolviéronse les principales llingües indoaries modernes como l'hindi, l'urdu, el bengalí, el marathi, el gujarati o'l panjabi.
Referencies
Enllaces esternos
Categoría:Llingües indoeuropees Categoría:Llingües de la India Categoría:Llingües clásiques Categoría:Hinduismu Categoría:Sánscritu