Malcolm St. Clair foi un direutor, guionista, productor y actor cinematográficu d'Estaos Xuníos, acreitáu n'ocasiones como Mal St Clair.
Biografía Nacíu en Los Angeles, California, foi discípulu de Mack Sennett, trabayando como actor en munchos filmes del xéneru cómicu. Con cerca de dos metros d'estatura, puede vése-y en cintes de Sennett como Yankee Doodle in Berlin, sobresaliendo percima de los demás actores mientres interpretaba a Príncipe Guillermo de Prusia.
Más palantre dedicóse a la direición, realizando casi 100 películes ente 1915 y 1948, y trabayando tamién como guionista y productor. Dirixó la mayor parte de les últimes películes de Stan Laurel y Oliver Hardy para 20th Century Fox, y siquier dos de los títulos de la serie de la Familia Jones pa la mesma productora.
En 1950, tres un curtiu retiru, intentó volver al cine, pero por causa de problemes de salú hubo de dexar definitivamente la gran pantalla.
Malcolm St. Clair finó en Pasadena, California, en 1952, a los 55 años d'edá. Foi enterráu nel Campusantu y Mausoléu Mountain View d'Altadena, California. El so hermanu, Eric St Clair, foi tamién guionista y actor.
Seleición de la so filmografía
The Camera Cure (1917) His Baby Doll (1917) The Little Widow (1919) Yankee Doodle in Berlin (1919) Actor The Goat (1921) The Blacksmith (1922) Christmas (1922) The Lighthouse by the Sea (1924) A Woman of the World (1925) Are Parents People? (1925) The Grand Duchess and the Waiter (1926) The Show Off (1926) Good and Naughty (1926) Gentlemen Prefer Blondes (1928) A Social Celebrity (1926) The Canary Murder Case (1929)
Side Street (1929) Dangerous Nan McGrew (1930) The Boudoir Diplomat (1930) Montana Moon (1930) Olsen's Big Moment (1933) Goldie Gets Along (1933) Crack-Up (1936) Hollywood Cavalcade (1939) Quick Millions (1939) Young As You Feel (1940) The Bashful Bachelor (1942) Jitterbugs (1943) The Dancing Masters (1943) Two Weeks to Live (1943) The Big Noise (1944) The Bullfighters (1945)
Referencies
Enllaces esternos
Categoría:Direutores de cine d'Estaos Xuníos Categoría:Guionistes de cine d'Estaos Xuníos Categoría:Productores de cine d'Estaos Xuníos Categoría:Actores y actrices de cine mudu Categoría:Direutores de cine mudu Categoría:Persones de Los Angeles