Annabella Sciorra ye una actriz d'Estaos Xuníos de cine, televisión y teatru. Recibió una nominación al Independent Spirit Award como meyor actriz pola so actuación na película True Love (1989), y fíxose más bultable cuando coprotagonizó Jungle Fever (1991) de Spike Lee. Trabayó nel thriller The Hand That Rocks the Cradle (1992), y foi emponderada pola crítica pol so papel de Cop Land. Foi nominada al Premiu Emmy pol so trabayu na serie The Sopranos, onde interpretó a Gloria Trío.
Vida privada Annabella Gloria Philomena Sciorra nació en Wethersfield, Connecticut, fía d'un veterinariu y de una estilista. El so padre ye d'ascendencia italiana y cubana, y la so madre d'ascendencia francesa. Foi criada en Brooklyn, Nueva York.
De neña estudió danza y empezó a tomar clases d'actuación nel Hagen-Berghoff Studio y nel American Academy of Dramatic Arts, dambos en Nueva York.
Dempués de terminar la secundaria en South Shore High School, asistió a la universidá, pero abandonó pa dedicase a l'actuación. En payares de 1981, con 20 años d'edá, fundó la Brass Ring Theater Company.
Tuvo casada col actor Joe Petruzzi dende avientu de 1989 hasta 1993, y tuvo una rellación con Bobby Cannavale ente 2004 y 2007.
Filmografía
Películes True Love (1989) Internal affairs (1990) Cadillac Man (1990) Reversal of Fortune (1990) Jungle Fever (1991) The Hard Way (1991) The Hand That Rocks the Cradle (1992) Whispers in the Dark (1992) The Night We Never Met (1993) Mr. Wonderful (1993) Romeo is Bleeding (1993) The Cure (1995) The Addiction (1995) The Funeral (1996) Underworld (1996) Cop Land (1997) Mr. Jealousy (1997) What Dreams May Come (1998) New Rose Hotel (1998) American Crime (2004) Identity Theft: The Michelle Brown Story (2004) Chasing Liberty (2004) Twelve and Holding (2005) Find Me Guilty (2006) Marvelous (2006)
Televisión The Fortunate Pilgrim (1988) Asteroid (1997) The Sopranos (2001–2004) Law & Order: Criminal Intent (2005–2006) Law & Order: Trial by Jury (2005) The L Word (2007) ER (2007) Mental (2009)
Teatru Those The River Keeps de David Rabe The Natura Monologues d'Eve Ensler Roar (2004) de Betty Shamieh
Referencies
Enllaces esternos
Categoría:Actores y actrices d'Estaos Xuníos Categoría:Persones de Nueva York