Sara Seegar Stone foi una actriz teatral, cinematográfica y televisiva d'Estaos Xuníos, más conocida pol so papel de "Mrs. Wilson" mientres la temporada de 1963 de la serie televisiva Dennis the Menace.
Primeros años Nacida en Greentown, Indiana, el so nome completu yera Sara Frances Seegar, y yera la más nueva de cinco hermanes, una d'elles l'actriz Miriam Seegar. Estudió en Londres y en París, pero finalmente graduóse na Hollywood High School y recibió un títulu d'arte dramático emitíu pol Los Angeles City College.
Rematada la so formación, Seegar foi actriz teatral en Londres, empecipiando la so carrera con Three Men on a Horse. Ella siguió actuando en Londres hasta l'entamu de la Segunda Guerra Mundial, momentu nel cual volvió a los Estaos Xuníos.
Carrera A partir de 1940, Seegar actuó nel circuitu de Broadway, nel cine, la radio y la televisión. Trabayó con regularidá como actriz de calter en televisión nos años 1950 y 1960, con papeles en Suspense, Perry Mason, y The Donna Reed Show, interpretando tamién a distintos personaxes na serie Bewitched. Na temporada 1962-63 de Dennis the Menace, Seegar encarnó a Eloise Wilson, la muyer de John Wilson, reemplazando a Sylvia Field, qu'interpretara a Martha Wilson - la orixinal "Mrs. Wilson" – dende 1959 a 1962. Field dexó la serie en finando Joseph Kearns (George Wilson). Gale Gordon empezó entós a actuar nel papel de John Wilson, l'hermanu de George.
Vida personal Sara Seegar conoció a Ezra Stone mientres dambos actuaben en Horse Fever nel circuitu de Broadway en 1940. Casáronse'l 5 d'ochobre de 1942, y tuvieron un fíu, Josef Seegar Stone (1944-2010) y una fía, Francine Lida Stone.
Sara Seegar finó en 1990 en Langhorne, Pennsylvania, por causa d'una hemorraxa cerebral. Los sos restos fueron incineraos, y les cenices espardíes na Stone Meadows Farm en Newtown (condáu de Bucks, Pennsylvania).
Actuaciones escoyíes Teatru en Broadway At War with the Army (1949) School for Scandal (1953) Ernest in Love (1960)
Radio The Aldrich Family
Cine Dead Men Tell No Tales (1938) The Music Man (1962)
Televisión The Andy Griffith Show (1960-1962) Dennis the Menace (1962-1963) Bewitched (1964-1972) The Brady Bunch (1972) The Jeffersons (1978)
Referencies
Enllaces esternos
Categoría:Actores y actrices d'Estaos Xuníos