Vincent Sherman foi un direutor y actor cinematográficu d'Estaos Xuníos.
Principios El so verdaderu nome yera Abraham Orovitz, y nació en Vienna, Georgia, nel senu d'una familia d'orixe xudíu. Criáu na mesma Vienna, na que'l so padre trabayaba nuna mercería, poco dempués de graduase na Universidá Oglethorpe d'Atlanta fíxose actor profesional.
Carrera Sherman llegó a Nueva York col enfotu de vender una obra escrita en cooperación con un compañeru d'estudios. Ellí trabayó como actor teatral en Counselor at Law. Nos primeros años del cine sonoru foi a Hollywood, onde actuó nel filme de William Wyler rodáu en 1933 Counsellor at Law (L'abogáu), basáu na obra teatral. En 1938 foi contratáu por Warner Bros. pa llevar a cabu llabories de direición. El so primer filme como direutor foi la cinta d'horror de 1939 The Return of Doctor X, na qu'actuaba Humphrey Bogart.
Sherman consiguió con rapidez la reputación de ser un artista faciendo versiones, gracies a la so habilidá pa tomar cualquier guión y convertilo nun ésitu total de taquilla. Esa maña facilitó-y el trabayar con películes de gran presupuestu y con reparties llaraes d'estrelles. Sherman foi conocíu como un "direutor de muyeres" mediaos los años 1940 pero, según avanzaba la so carrera, acabó siendo un completu cineasta.
Tres una trayeutoria cinematográfica en Hollywood plena d'ésitos, Sherman remató la so carrera artística en televisión. En 2004 foi'l mayor de los 21 entrevistaos nel documental "Imaginary Witness," un trabayu sobre 60 años de cine rellacionáu, en mayor o menor midida, col Holocaustu.Presskit from Shadowdistribution.com., consultáu'l 16 de xineru de 2011.
Vida personal Sherman tuvo casáu con Hedda Comorau dende 1931 a 1984. La pareya tuvo un fíu, Eric, y una fía, Hedwin. A lo llargo de la so vida Sherman tuvo delles aventures sentimentales, ente elles una rellación de tres años con Joan Crawford y Bette Davis. A la primera dirixir en tres películes: The Damned Don't Cry! (1950), Harriet Craig (1950), y Goodbye, My Fancy (1951). Nes sos memories Studio Affairs: My Life as a Film Director, daba detalles de la so rellación con Crawford, lo mesmo que de la que caltuvo con Rita Hayworth. Nos sos últimos nueve años de vida caltuvo rellación con Francine York.
D'ente les sos amistaes, destaca la que caltuvo col actor Errol Flynn.
Vincent Sherman finó'l 18 de xunu de 2006, poco primero de cumplir los cien años d'edá, nel Motion Picture and Television Fund Hospital de Woodland Hills, California.Los sos restos fueron donaos a la ciencia médica.
Filmografía Direutor
1939 : The Return of Doctor X 1941 : Underground 1942 : All Through the Night 1943 : The Hard Way 1943 : Old Acquaintance 1944 : Mr. Skeffington (Mr. Skeffington) 1945 : Pillow to Post 1946 : Janie gets married 1947 : Nora Prentiss (La sentencia) 1947 : The Unfaithful 1948 : Adventures of Don Juan (El burlador de Castiella) 1949 : The Hasty Heart
1950 : Backfire 1950 : The damned don't cry 1950 : Harriet Craig 1951 : Goodbye my fancy 1952 : Lone Star (Lone Star) 1952 : Affair of Trinidad 1956 : Difendo il mio amore 1957 : The Garment Jungle 1958 : The Naked Earth 1959 : The Young Philadelphians 1960 : Ice Palace (Imperiu de titanes) 1960 : The Second Time Around (Sola ante'l peligru) 1967 : Cervantes (Cervantes)
Productor 1952 : Affair of Trinidad
Actor
1933 : Counsellor at Law, de William Wyler 1934 : The Crime of Helen Stanley, de D. Ross Lederman 1934 : Speed Wings, d'Otto Brower 1934 : One Is Guilty, de Lambert Hillyer
1934 : Hell Bent for Love, de D. Ross Lederman 1934 : Midnight Alibi, d'Alan Crosland 1934 : Girl in Danger, de D. Ross Lederman
Guionista 1938 : Crime School, de Lewis Seiler 1939 : King of the Underworld, de Lewis Seiler
Referencies
Enllaces esternos
Categoría:Direutores de cine d'Estaos Xuníos Categoría:Guionistes de cine d'Estaos Xuníos