Elisabeth Judson Shue ye una actriz de cine y televisión d'Estaos Xuníos. Candidata al Óscar, los Globos d'Oru, los Premios BAFTA y a los Premios del Sindicatu d'Actores.Consultáu en 2010Premios y nominaciones de Elisabeth Shue IMDb (n'inglés) Conocida poles sos intervenciones en películes como The Karate Kid (1984), Back to the Future: Part II (1989), Back to the Future: Part III (1990), Leaving Las Vegas (1995), The Saint (1997), Hollow Man (2000) y Piranha 3D (2010).Consultáu en 2010Filmografía como actriz IMDb (n'inglés)
Biografía Elisabeth Shue nació en Wilmington, Delaware, Estaos Xuníos el 6 d'ochobre de 1963, nel senu d'una familia de clase media.Consultáu en 2010Biografía de Elisabeth Shue IMDb (n'inglés) Elisabeth ye fía d'Anne Wells, axente de banca, y de James Shue, abogáu y axente inmobiliariu, que divorciáronse cuando ella tenía once años. El so padre yera un activista republicanu qu'intentó ser escoyíu pal Senáu pol estáu de Nueva Jersey.Consultáu en 2010au.movies.yahoo.com Yahoo! (n'inglés) Ye, arriendes, hermana del tamién actor Andrew Shue. Shue graduóse nel Columbia High School na llocalidá de Maplewood y darréu foi a la Universidá de Harvard en 1985, na que se graduaría años más tarde tres un paréntesis nel qu'empecipió la so carrera como actriz. Mientres los sos estudios en Columbia y tres el divorciu de los sos padres, ganó dineru faciendo de modelu en televisión. Shue convirtióse nuna cara familiar nos anuncios de Burger King, De Beers y Hellman.
Carrera En 1984 llegaría'l so auténticu debú como protagonista con Karate Kid (1984) faciendo de novia de Ralph Macchio. Coles mesmes, fixo otros papeles en películes como Call to Glory (1984), rodada pa ser emitida en televisión. Siguió la so carrera actuando en Adventures in Babysitting (1987) y llogró'l so primer papel protagonista na cinta Cocktail (1988), protagonizada por Tom Cruise. Más tarde llegaríen les secueles de Back to the Future, nes qu'interpretaría a Jennifer Parker, la pareya del personaxe interpretáu por Michael J. Fox.Consultáu en 2010Jennifer Parker (Character) from Back to the Future IMDb (n'inglés)
Na década de los años 90 l'actriz empezó a aceutar papeles más ventureros. Participó en Marrying Man (1991) con Alec Baldwin y Kim Basinger, pero la cinta foi duramente castigada per gran parte de la crítica.Consultáu en 2010Respuesta crítica a Marrying Man Rotten Tomatoes (n'inglés) Dempués tuvo un papel protagonista en Leaving Las Vegas (1995), xunto a Nicolas Cage. La so interpretación valió-y una nominación al Óscar a la meyor actriz, Globu d'Oru a la meyor actriz de drama, al BAFTA a la meyor actriz y al Premiu del Sindicatu d'Actores a la meyor actriz protagonista. Dempués d'esti ésitu intervieno en títulos como Desconstructing Harry (1997) de Woody Allen, The Saint (1997) con Val Kilmer y el Thriller de suspensu Hollow Man (2000) na que compartía cartelu con Kevin Bacon y que recaldó 190 millones de dólares en tol mundu.Consultáu en 2010Recaldación de Hollow Man Box Office Mojo (n'inglés) Yá na década de los 2000 intervieno nel thriller Hide and Seek (2005), con Robert De Niro, y en Dreamer: Inspired by a True Story (2005) con Kurt Russell y Dakota Fanning, que foi allabada pola mayoría de prensa cinematográfica.Consultáu en 2010Respuesta crítica a Dreamer: Inspired by a True Story Rotten Tomatoes (n'inglés)
Dempués d'estos títulos vendríen otros ensin nengún tipu de repercusión na taquilla internacional o na crítica cinematográfica hasta que nel añu 2010 intervieno en trés nueves películes: Walking Madison (2010), Janie Jones (2010), xunto a Abigail Breslin, y el remake de Piranha (1978) en Piranha 3D (2010), rodada en formatu 3D y con actores como Richard Dreyfuss, Christopher Lloyd o Jerry O'Connell. Esta última cinta recibió na so mayoría escelentes comentarios.Consultáu en 2010Respuesta crítica a Piranha 3D Rotten Tomatoes (n'inglés)
En 2012 incorporóse al repartu estable de la serie CSI: Crime Scene Investigation en reemplazu de Marg Helgenberger.
Filmografía thumb|250px|Shue el 17 de febreru de 2006. 1984: The Karate Kid, de John G. Avildsen. 1984: Call to Glory, de Thomas Carter. 1984: Link, de Richard Franklin. 1987: Adventures in Babysitting, de Chris Columbus 1988: Cocktail, de Roger Donaldson. 1989: Back to the Future II, de Robert Zemeckis. 1990: Back to the Future III, de Robert Zemeckis. 1991: The Marrying Man, de Jerry Rees. 1991: Soapdish, de Michael Hoffman. 1993: Heart and Souls, de Ron Underwood. 1993: Twenty Bucks de Keva Rosenfeld. 1994: Radio Inside, de Jeffrey Bell. 1994: Blind Justice, de Richard Spence. 1995: Leaving Las Vegas, de Mike Figgis. 1995: Underneath, de Steven Soderbergh. 1996: The Trigger Effect, de David Koepp. 1997: The Saint, de Phillip Noyce. 1997: Deconstructing Harry, de Woody Allen. 1998: Cousin Bette, de Des McAnuff. 1998: Palmetto, de Volker Schlöndorff. 1999: Molly, de John Duigan. 2000: Hollow Man, (L'home ensin solombra) de Paul Verhoeven. 2001: Amy & Isabelle, de Lloyd Kramer. 2002: Tuck Everlasting, de Jay Russell. 2004: Mysterious Skin, de Gregg Araki. 2005: Hide and Seek, de John Polson. 2007: Dreamer: Inspired by a True Story, de John Gatins. 2007: Gracie, de Davis Guggenheim. 2007: First Born, d'Isaac Webb. 2008: Hamlet 2, d'Andy Fleming. 2009: Don McKay, de Jake Goldberger. 2010: Walking Madison, de Katherine Brooks. 2010: Janie Jones, de David M. Rosenthal. 2010: Hope Springs, de David Frankel. 2010: Piranha 3D, d'Alexandre Folia. 2012: House at the end of the street, de Mark Tonderai 2013: Behaving Badly, de Pamela Bender
Premios Óscar Añu Categoría Película Resultáu1996Meyor actrizLeaving Las VegasCandidata
Globu d'Oru Añu Categoría Película Resultáu1995Meyor actriz de dramaLeaving Las VegasCandidata
Premios BAFTA Añu Categoría Película Resultáu1996BAFTA a la meyor actrizLeaving Las VegasCandidata
Premios del Sindicatu d'Actores Añu Categoría Película Resultáu1996Meyor actrizLeaving Las VegasCandidata
Referencies
Enllaces esternos
Videu d'una entrevista sobre Gracie (n'inglés)
Categoría:Actores y actrices d'Estaos Xuníos