John Roy Stewart foi un actor cinematográficu d'Estaos Xuníos, activu na dómina del cine mudu, y que a lo llargo de la so carrera artística participó en 138 filmes estrenaos ente 1915 y 1933.Roy Stewart en IMDB
Biografía El so nome completu yera John Roy Stewart, y nació en San Diego, California, siendo unu de los seis fíos de William Wallace Stewart y Isabella Ellen Ryan (los otros yeren Charles, Harry, Kate, Molly y Belle).
Atopándose de xira coles famoses Floradora Girls nos años 1910, Stewart entró en contautu per vegada primer col cine, faciendo nun principiu papeles de calter secundariu. Los sos primeros filmes fueron los curtiumetraxes Willie Runs the Park y Just Nuts, dambos producíos en 1915 por Rolin Films, y protagonizaos por Harold Lloyd. Sicasí, en 1915 tuvo la oportunidá d'actuar nel serial The Diamond from the Sky, d'American Film Company, faciendo un papel de repartu. Siguió con dicha productora, pasando en 1916 a Universal Pictures p'actuar nel serial Liberty, A Daughter of the USA. Dempués de 1916 actuó pa Triangle, protagonizando filmes como The Medicine Man (1917) y Paying His Debt (1918), ente otros.
Conocíu pola so encantadora sorrisa, demostró la so valía interpretando papeles d'héroe, y a lo llargo de la so carrera participó en más d'un centenar de películes, ente elles The Learnin' of Jim Benton (1917), Cactus Crandall (1918), que coescribió, y The Sagebrusher (1920), encarnando a personaxes como Buffalo Bill en With Buffalo Bill on the O. P. Trail (1926), y Daniel Boone en Daniel Boone Thru the Wilderness (1926).
Aparte del xéneru western, Stewart tuvo la oportunidá d'actuar xunto a les actrices Lillian Gish (House Built Upon Sand, en 1916), Bessie Love (A Daughter of the Poor, 1917) y Mary Pickford (Sparrows, 1926).
Cola llegada del cine sonoru, Stewart foi apostráu a papeles secundarios en cintes como King Kong (1933), pero siguió trabayando hasta'l momentu de la so repentina muerte, asocedida en 1933 por causa de un infartu agudu de miocardiu en Los Angeles, California, a los 49 años d'edá. Foi enterráu nel Campusantu Mount Hope, en San Diego, California.Roy Stewart en Find a Grave El so últimu filme fuera Fargo Express, estrenáu en 1933, y nel cual actuaba Ken Maynard.
Seleición de la so filmografía thumb|right|200px|Roy Stewart nel serial The Radio King (1922)
Referencies
Enllaces esternos
Categoría:Actores y actrices de cine mudu Categoría:Persones de San Diego