Carol Ann Susi foi una actriz de cine, teatru y televisión d'Estaos Xuníos, conocida por interpretar la voz de la señora Wolowitz (madre de Howard Wolowitz) na comedia de situación The Big Bang Theory.
Biografía Susi nació en Brooklyn y yera d'ascendencia italiana. Estudió actuación nel HB Studio (Herbert Berghof Studio) de la ciudá de Nueva York enantes de camudase a Los Angeles na década de 1970 onde empezó la so estensa carrera en televisión y teatru.
Ente'l so creitu inclúyense series como Grey's Anatomy, Married... with Children, That 70's Show, Sabrina, the Teenage Witch; y Becker. Tamién participó en películes como Bar Coyote, Just Go With It y Death Becomes Her.
En 2008 interpretó la voz de Doris Brown y Pamela Ross nel videoxuegu CSI: NY. Dos años dempués, interpretó la voz de Maria Agnello en Mafia II.
Finó'l 11 de payares de 2014 en Los Angeles por causa de un cáncer. Tenía 62 años.
Trabayos destacaos McMillan & Wife, Coyote Ugly, Just Go with It, The Big Bang Theory, Becker, Grey's Anatomy, That '70s Show, Out of Practice, Cats & Dogs, Just Shoot Me, Married... with Children, Night Court, The King of Queens, Death Becomes Her, NYPD Blue, Seinfeld, The Secret of My Success, My Blue Heaven y Sabrina, the Teenage Witch.
Referencies
Enllaces esternos
Categoría:Persones de Brooklyn Categoría:Actores y actrices d'Estaos Xuníos Categoría:Actores y actrices de doblaxe d'Estaos Xuníos