Robert Williams foi un actor teatral y cinematográficu d'Estaos Xuníos. Ye más conocíu pol so únicu papel protagonista nel cine, el que fizo na comedia romántica de 1931 Platinum Blonde, xunto a Loretta Young y Jean Harlow. Williams finó trés díes depués del estrenu de la película.
Biografía Carrera Nacíu en Morganton, Carolina del Norte en 1894 (delles fontes afirmen que nació en 1897 o 1899), Williams dexó la so casa a los 11 años d'edá pa formar parte d'un show itinerante. Más palantre trabayó en showboats nel Mississippi enantes d'abrir camín en Nueva York. N'actuando en delles producciones teatrales, Williams consiguió un papel en Eyes of Youth, pieza protagonizada por Marjorie Rambeau, con una interpretación que foi la so gran oportunidá y que lu sirvió pa dase a conocer. Sicasí, la so carrera hubo de suspendese al incorporase al Exércitu de los Estaos Xuníos, sirviendo nel Reximientu d'Infantería 166 mientres la Primer Guerra Mundial. A la so vuelta a los Estaos Xuníos, Williams retomó la so actividá artística. En 1922 fixo'l so debú nel circuitu de Broadway cola popular comedia Abie's Irish Rose, y actuó amás en That French Lady, Scarlet Pages, y Love, Honor and Betray.
N'encarnando a Johnnie Coles na obra Rebound en 1930, Williams foi escoyíu pol direutor Edward H. Griffith pa retomar el papel na versión cinematográfica. Recibió crítiques favorables pol so trabayu, y a esa película siguiólu'l filme Devotion, tamién estrenáu en 1931. A finales d'esi añu, Williams foi escoyíu pa faer el so primer papel protagonista, na comedia romántica Platinum Blonde, na qu'actuaben Loretta Young y Jean Harlow. Foi la so última actuación nel cine.
Vida personal Williams casóse tres veces. El so primer matrimoniu foi cola cantante Marion Harris en 1921. La pareya tuvo una fía, Mary Ellen. Williams y Harris divorciáronse en 1922. En marzu de 1924 casóse cola actriz Alice Lake, de la que dixebró tres veces enantes de divorciase en 1925. Nel momentu de la so muerte, Williams taba casáu cola actriz Nina Penn.
El 3 de payares de 1931, trés díes depués del estrenu de Platinum Blonde, Williams finó por causa de un peritonitis nel Hollywood Hospital, en siendo operáu la selmana anterior en dos causes pa tratar una apendicitis. Foi enterráu nel Campusantu Forest Lawn Memorial Park de Glendale (California).
Teatru en Broadway Fecha Producción Papel 23 de mayu de 1922 – 1 d'ochobre de 1927 Abie's Irish Rose Abraham Levy 22 d'avientu de 1924 – febreru de 1925 Milgrim's Progress Sam Milgrim setiembre de 1926 Kept Norman Henderson 15 de marzu – abril de 1927 That French Lady Fred Kraft 19 de setiembre – ochobre de 1927 The Trial of Mary Dugan Personaxe nel xuiciu 26 de setiembre de 1927 – abril de 1928 Jimmie's Women Jimmie Turner 9 de setiembre – payares de 1929 Scarlet Pages Robert Lawrence 3 de febreru – mayu de 1930 Rebound Johnnie Coles 12 de marzu – abril de 1930 Love, Honor and Betray Mozu
Filmografía Añu Títulu Direutor Papel Observaciones1914The Vengeance of WinonaFrank MontgomeryKite – Cómpliz de Black Dog 1920Thoughtless WomenDaniel Carson Goodman1928Two MastersEdmund Lawrence1931The Common LawPaul L. SteinSam1931ReboundEdward H. GriffithJohnnie Coles1931DevotionRobert MiltonNorman Harrington1931Platinum BlondeFrank CapraStew Smith
Referencies
Enllaces esternos
Categoría:Actores y actrices d'Estaos Xuníos