Gloria Winters foi una actriz cinematográfica y televisiva d'Estaos Xuníos, conocida principalmente por interpreter a Penny King na serie de TV emitida nes décades de 1950 y 1960 Sky King."Passings: Gloria Winters-Vernon", Los Angeles Times, 27 d'agostu de 2010..
Biografía
Iniciu Nacida en Los Angeles, California, el so verdaderu nome yera Gloria Carolyn Hirst. Criada nel Valle de San Fernando, más p'alantre treslladóse a Hollywood cola so familia. Inda neña y yá actriz, afirmaba debutar a los cinco años d'edá con un pequeñu papel nuna película de Shirley Temple. (Una fonte sostenía qu'ella actuara de neña nel filme de 1932 de Carole Lombard Virtue.)"Gloria Winters", FindAGrave.com..
Darréu Winters actuó nun curtiu de Pete Smith y nun llargumetraxe de Our Gang. Winters tamién actuó n'escena y tomó clases de claqué, trabayando a finales de los años 1940 y entamos de los 1950 en westerns como Driftwood (1947) y «El Paso» (1949), y en series televisives como The Lone Ranger (El llaneru solitariu) y The Range Rider. Ente los sos filmes, la mayoría westerns, tamién s'inclúin The Lawless (1950) y Gambling House (1950).
Winters foi Babs Riley na primer temporada de la sitcom de la NBC The Life of Riley (1949 a 1950), protagonizada por Jackie Gleason y Rosemary DeCamp. Otru de los sos personaxes foi Ruth Farley na sitcom de 1953-1955 de l'ABC Where's Raymond?, na que Verna Felton yera la so madre.
Sky King El papel más conocíu de Winters foi'l que llevó a cabu na serie Sky King, protagonizada por Kirby Grant, qu'encarnaba a Schuyler "Sky" King. Winters yera Penny King, y dambos vivíen nel Ranchu Flying Crown. Ella interpretó'l papel en 72 episodios dende 1952 a 1959. Ron Hagerthy, de la mesma edá de Winters, actuó en diecinueve episodios en 1952 como Clipper King. Mientres Sky King, Winters y Kirby Grant actuaron nel circuitu de feries con un númberu cantáu y bailláu.
Otros papeles Mentanto, Winters tuvo papeles como artista convidada en series como Death Valley Days, The Jack Benny Show, Richard Diamond, Private Detective, Racket Squad, The Gene Autry Show (na que debutó como cantante en 1951 col episodiu "Warning! Danger!"), The Adventures of Wild Bill Hickok, Brave Eagle, Four Star Playhouse, General Electric Theater, Frontier Doctor, Judge Roy Bean, The Roy Rogers Show, y Sheriff of Cochise. Nel show de Jim Davis Stories of the Century, Winters interpretó a Little Britches, trabayando xunto a James Best nel papel de Dave Ridley.
Mientres esi tiempu tamién trabayó nel cine, actuando en producciones como Hold That Line (1952), protagonizada por The Bowery Boys, y She Couldn't Say No.
Winters casóse con Dean Stevens Vernon (1926–2001),[http://www.findagrave.com/cgi-bin/fg.cgi?page=gr&GRid=11654986"Dean Stevens Vernon" at FindAGrave.com. un inxenieru de soníu de Sky King, y dexó d'actuar en participando en 1960 nel show de Hugh O'Brian The Life and Legend of Wyatt Earp.
Últimos años En 1964 Winters escribió Penny's Guide to Teen-Age Charm and Popularity, un llibru sobre etiqueta dedicáu a les moces nueves, y qu'inspiró en 1996 el cantar de la banda de rock alternativu Nada Surf "Popular."
Cuando'l so home retiróse, el matrimoniu treslladóse a Vista, California. Él finó en 2001, y Winters en 2010, na so casa, por causa d'entueyos surdíos tres una neumonía."Obituary: Gloria Vernon-Winters", Legacy.com via the Los Angeles Times, 25 d'agostu de 2010.. Dambos tan soterraos nel Campusantu Nacional Fort Rosecrans de San Diego (California).
En 2002 Winters fuera gallardoniada col premiu Golden Boot concedíu pola Motion Picture & Television Fund pol so trabayu en distintes películes y programes televisivos del xéneru western.Golden Boot Awards: 2002
Referencies
Enllaces esternos
Biografía de Gloria Winters en Find-a-Grave
Categoría:Actores y actrices d'Estaos Xuníos Categoría:Persones de Los Angeles