Bradley Darryl "BD" Wong ye un actor d'Estaos Xuníos, conocíu polos sos papeles como'l Dr. George Huang en Law & Order: Special Victims Unit, como'l Padre Ray Mukada en Oz, Henry Wu na película Jurassic Park, y pol so papel recurrente como Song Liling en M. Butterfly. Primeros años Wong nació en San Francisco, California, fíu de Roberta Christine (de soltera Leong), una supervisora d'una compañía telefónica, y William D. Wong. Ye d'orixe chinu.http://www.mlive.com/entertainment/grand-rapids/index.ssf/2008/12/law_and_order_actor_bd_wong_to.html Wong asistió Lincoln High School enantes d'asistir a la Universidá Estatal de San Francisco.
Carrera Wong llamó l'atención pol so debú en Broadway en M. Butterfly xunto a John Lithgow. La obra ganó dellos premios, incluyendo dellos pa Wong. Tuvo en Law & Order: Special Victims Unit como'l Dr. George Huang, tuvo papeles recurrentes en All American Girl y como'l padre en Oz, con apaiciones en The X-Files y Sesame Street. Nel cine, apaeció en The Freshman, en Father of the Bride y la so secuela Father of the Bride Part II, Jurassic Park, Executive Decision, y Slappy and the Stinkers. Tamién dio la voz del Capitán Shang en Mulán y la so secuela. Asi mesmu participó na pelicula Focus. Participó na filmación de Jurassic World.
Vida personal Wong, que ye abiertamente gai, empecipió una rellación col axente Richie Jackson en 1988. En 2000, Wong tuvo dos fíos ximielgos: Boaz Dov Wong, que morrió 90 minutos dempués de nacer, y Jackson Foo Wong. Nacieron al traviés d'una madre d'arriendu, usando la espelma de Wong y un óvulu donáu pola hermana de Jackson. En 2003, Wong escribió un llibru de memories sobre les sos esperiencies tituláu Following Foo: the Electronic Adventures of the Chestnut Man. Wong y Jackson terminaron la so rellación en 2004.
Referencies
Categoría:Actores y actrices d'Estaos Xuníos Categoría:Actores y actrices de doblaxe d'Estaos Xuníos Categoría:Persones de California Categoría:Persones de San Francisco Categoría:Ganadores del premiu Tony