Ed Wynn, nome artísticu de Isaiah Edwin Leopold , foi un popular actor y comediante d'Estaos Xuníos, que realizó una perafamada carrera de casi 65 años au participó en vodevils y teatros, en shows de televisión y radio y tamién nel cine. Tien dos estrelles nel Paséu de la Fama de Hollywood, pola so actividá en cine y televisión, respeutivamente.Premios y nominaciones de Ed Wynn en imdb.com
Ed Wynn inspiró la grabación de voz n'inglés del dibuxu animáu Wally Gator.
Biografía Isaiah Edwin Leopold nació en Filadelfia, Pennsylvania, el 9 de payares de 1886 fíu d'una pareya de xudíos de Bohemia, emigraos a finales del sieglu XIX. Siendo un adolescente, escapó de casa. Na so mocedá trabayó como ayudante de W. C. Fields. Depués, nos años 1910, actuó en diversos vodevils y, dende 1914, nos Ziegfeld Follies, una serie de producciones teatrales de Broadway basaes nel Folies Bergère parisín. Los primeros ésitos de Ed Wynn llegaron en Broadway dellos años más tarde, con The Perfect Fool (1921).
Darréu dirixó un programa de radio llamáu Texaco's Fire Chief, de 1932 a 1939, enantes de debutar na pequeña pantalla nos años 1950. Esi mesmu añu ganó un premiu Emmy a la Most Outstanding Live Personality.
Tamién participó nel cine y aportó a nomáu al Óscar pola so actuación en The Diary of Anne Frank (1959). Punxo la voz al personaxe del Sombrereru Llocu na versión de Disney d'Alicia nel país de les maravíes (1951). Actuó coles mesmes en Mary Poppins (1964) y The Greatest Story Ever Told (1965). Amás participó na serie The Twilight Zone de Rod Serling interpretando a un vendedor ambulante que s'enfrentaba a la muerte.
Ed Wynn yera masón y pertenecía a la loxa númberu 9 de Filadelfia.Biografía de Ed Wynn en Grand Lodge of British Columbia and Yukon. Morrió de cáncer el 19 de xunu de 1966, en Beverly Hills (California)
Referencies
Enllaces esternos
Categoría:Actores y actrices d'Estaos Xuníos Categoría:Seudónimos Categoría:Persones de Filadelfia