NGC 1748 ye una nebulosa d'emisión na Gran Nube de Magallanes, galaxa que forma parte del Grupu Llocal. Visualmente alcuéntrase na constelación de Doráu.
Les estrelles moces emiten tal cantidá d'enerxía qu'emburrien y esvalixen el gas y el polvu que forma la nebulosa. Nos últimos cientos de miles d'años, estes estrelles alteriaron la forma de burbuya de la nebulosa y probablemente van destruyir la nebulosa nunos pocos millones d'años.New Stars Destroying NGC 1748. APOD (NASA)
D'especial interés ye una rexón brillosa, arrodiada por un aniellu de polvu de color arrosáu, qu'apaez a la izquierda na imaxe. El centru d'esta rexón ta siendo estenada pol vientu estelar de la estrella que se topa nel so centru, 30 vegaes más masiva y 200.000 vegaes más lluminosa que'l Sol. El cuévanu formáu tien un diámetru d'unos 25 años lluz. Una llinia de polvu más frío coneuta NGC 1748 con una nebulosa difusa más grande que s'atopa a la so derecha llamada DEM22d.Massive Infant Stars Rock their Cradle. Hubblesite
NGC 1748 afayóse nel añu 1836 por John Herschel.
Ver tamién Llista d'oxetos NGC
Enllaces esternos Catálogu SEDS
Referencies
Categoría:Gran Nube de Magallanes Categoría:Nebuloses d'emisión 1748 Categoría:Constelación de Doráu