NGC 3370 o Galaxa Silverado ye una galaxa espiral que s'atopa a 98 millones d'años lluz en direición a la constelación de Leo. La so magnitú aparente ye 12,3. Probablemente afayóse por William Herschel en 1784.
De tamañu y masa similar a la Vía Lláctea, NGC 3370 presenta una complexa estructura de brazos espirales, chiscada per árees calientes onde se formen nueves estrelles.Descripción ya información sobre NGC 3370 en Hubblesite (n'inglés)) Nel so centru hai llinies de polvu y el nucleu nun ta definíu claramente.
En payares de 1994, la lluz d'una supernova en NGC 3370 llegó a la Tierra, clisando al restu de les estrelles de la galaxa. Anque les supernoves son comunes, con una esplosión cada pocos segundos en dalgún llugar del universu, ésta foi especial. Bautizada como SN 1994ae, esta supernova foi una de les más cercanes y meyor reparaes dende la llegada de los detectores dixitales modernos. Amás la supernova foi del Tipu Ia, la meyor ferramienta que tienen los astrónomos pa cartografiar la velocidá de crecedera del universu n'espansión.
Apocayá, los astrónomos compararon les supernoves Tipu Ia cercanes con otres más distantes del mesmu tipu, determinando qu'anguaño l'universu ta acelerando la so espansión y que paez contener una misteriosa "enerxía escura".
Ver tamién
Llista de galaxes Llista d'oxetos NGC
Enllaces esternos Catálogu SEDS
Referencies
3370 Categoría:Galaxes espirales Categoría:Constelación de Leo