Llastres ye una parroquia y villa marinera del conceyu asturianu de Colunga. Ocupa la so fastera noroccidental, y tien una estensión de Ajuste del mapa de parroquias. Mapa de entidades colectivas de población. Uviéu, SADEI, 2012. Actualizáu'l 1 de febreru de 2024.. Viven nella un total de Nomenclátor del INE: Población del padrón continuo por unidad poblacional. (Institutu Nacional d'Estadística)., que se reparten ente l'aldea de Lluces y la villa marinera de Llastres.
Nesta última viven persones, dedicaes mayormente, como los sos antepasaos dende va dellos sieglos, a la pesca. La flota del puertu, magar que menguada nes últimes décades, ye entá de les más importantes de toa Asturies. Los pescadores llastrinos tán integraos na Cofradía de Pescadores "Sta. María de Sábada".
Descripción El nome orixinal de Llastres yera Santa María de Sábada, topónimu d'orixe llatín. N'época romana, situábase equí un puertu pa dar salida a minerales, aprovechando les bones condiciones naturales de la ensenada. Nel sieglu X, yá se documenta'l nome Sátava nun testu referíu a Alfonsu III. L'orixe de Llastres podría tener tamién una base xeolóxica.
La villa debe la so crecedera a la actividá pesquera, y ye nel sieglu XVI cuando s'acometió una ampliación del puertu, anque siempres con esquemes modestos que torgaron un desenvolvimientu mayor. A lo llargo de los sieglos, foi tamién necesariu fortificar la villa por cuenta de conflictos bélicos como la Guerra de Sucesión.
Yá hai constancia de pesca de ballenes, bien habitual nos puertos del mar Cantábricu. Na Edá Moderna documentóse la pesca de sardines, besugos y bonitos, y la esistencia de fábriques d'escabeche, amás de contactos comerciales con puertos de la costa atlántica. Por cuenta de la fraxilidá del muelle, Carlos III ordenó la so reconstrucción, anque les obres nun fueron esitoses. En 1821, los vecinos de Llastres recurrieron a les Cortes pa solicitar la reparación del puertu, sometíu al folaxe, ensin llograr resultáu. Años más tarde acometióse la deseyada ampliación, anque de nuevu con esquemes modestos que torgaron una mayor crecedera.
Nel sieglu XIX y XX, Llastres consolídase como puertu pesqueru de la mariña asturiana, y na segunda metá del sieglu XX empieza a combinar la pesca cola actividá turística y gastronómica. En 2010 foi nomáu Pueblu Exemplar nos Premios Príncipe d'Asturies.
Ta catalogáu como Unu de Los Pueblos Más Guapos d'España dende l'añu 2014 y pertenez dende entós a la asociación homónima.
Dende entós, Llastres ye citáu davezu en medios de comunicación como unu de los pueblos más guapos d'España. Esto, xunto col rodaxe de series y anuncios na villa, consolidó a la población como destín turísticu de referencia.
Llocalidaes
Sitios
Patrimoniu
Ilesia de Santa María de Sábada
Ta declarada bien d'interés cultural. Ye del sieglu XVII y tien un estilu barrocu neoclásicu. La so torre o campanariu ye de finales del sieglu XIX. Foi proyeutada polos arquiteutos Manuel Reguera y Joaquín Vigil.
Capiella de San Roque
A lo cimero de la villa, nel campu de San Roque, atópase la Capiella de San Roque, con un mirador dende'l que se contempla una impresionante panorámica de Llastres col so pequeñu puerto pesqueru, la Sierra del Sueve y de la franxa marinera.
Conxuntu históricu de Llastres
Comprende numberoses edificaciones de la villa como cases de factura tradicional con corredores de madera y galeríes, y la Torre del Reló (sieglu XV). Faru de Lluces
N'aldea de Lluces atópase'l Faru de Lluces, que recibi munchos turistes. Cerca d'él atópase tamién el Palaciu de Lluces, del sieglu XVI.
Televisión Llastres fíxose especialmente conocíu por ser l'escenariu de la serie de televisión Doctor Mateo qu'emitió Antena 3 ente 2009 y 2011, na qu'apaez sol nome de San Martín del Sella. Antes d'eso yá había tomáu protagonismu na esitosa serie Un paso adelante, onde uno de los protagonistes interpretaba a un mozu natural d'esta llocalidá. En 2016 foi unu de los escenarios del rodaxe de la llotería de Navidá. Ese mesmu añu tamién agospió delles escenes del rodaxe de la película Plonger.
Fíos renomaos Alonso del Río Benito Lué y Riega Martín Alonso de Lastres Teresa Robledo Colunga Alonso Victorero Juan Antonio Suárez Victorero y Robledo Agustín de Pedrayes
Referencies
Enllaces esternos
Comunidá llastrina n'internet
Categoría:Parroquies de Colunga Categoría:Premiu al Pueblu Exemplar d'Asturies