NGC 7662 ye una nebulosa planetaria na constelación d'Andrómeda asitiada 2,5º al oeste-suroeste de la estrella ι Andromedae. Ye conocida tamién col nomatu nebulosa Bola de Nieve Azul. De magnitú aparente 9, ye una de les nebuloses planetaries más fáciles de reparar con pequeños preseos. La estrella central ye una estrella variable que'l so rellumu bazcuya ente magnitú 12 y 16. Afayóse en 1784 por William Herschel.
El color azul de NGC 7662 ye frecuente nes nebuloses planetaries. La lluz ultravioleta emitida pola caliente estrella central escita'l gas de la nebulosa, el color azul aniciáu pola intensa emisión del oxíxenu. Na imaxe de la derecha, llograda col Telescopiu Espacial Hubble, nun s'aprecia esti color yá que los colores nun son reales.
Referencies
Catálogu SEDS Blue Snowball Nebula (NGC 7662). The internet Encyclopedia of Science
Ver tamién Llista de nebuloses planetaries Llista d'oxetos NGC
Categoría:Nebuloses planetaries 7662 Categoría:Constelación d'Andrómeda Categoría:Oxetos Caldwell Categoría:Oxetos astronómicos descubiertos nos años 1780 Categoría:1784