NGC 4244 ye una galaxa espiral asitiada na constelación de Canes Venatici visible con telescopiu d'aficionáu. Alcuéntrase a una distancia non perbién determinada, que según diversos autores y métodos bazcuya ente 11,7 y 14,6 millones d'años lluz de la Vía Lláctea.
NGC 4244 vese casi de cantu, y a pesar de ser una galaxa de tipu tardíu amuesa bien poca formación estelar, con rexones de formación estelar bien pequeñes y débiles (y tampoco amuesa actividá dalguna nel so nucleu, anque ésti tópase arrodiáu per un cúmulu estelar central con una masa de 1,7 millones de mases solares nes sos 8 parsecs más internos).
NGC 4244 forma parte del Grupo Canes I, qu'inclúi ente otres a la galaxa espiral M94 y a les galaxes irregulares NGC 4214 y NGC 4449, siendo'l so miembru más brillosu (pero non el más grande la M94).
Referencies
NGC 4244 (NED)
Notes for NGC 4244 (NED)
A Rotating Compact Nuclear Stellar Cluster in NGC 4244
An Atlas of the Universe - The Canes I Group
Categoría:Galaxes Categoría:Galaxes espirales Categoría:Constelación de Canes Venatici Categoría:Oxetos NGC