NGC 4636 ye una galaxa elíptica-lenticular fácilmente visible con telescopiu d'aficionáu asitiada na constelación de Virgu a una distancia de 57 millones d'años lluz (17,5 megaparsecs). Ye un miembru del Cúmulu de Virgu, asitiáu al sureste de l'agrupación principal, considerada dacuando cómo la galaxa más brillosa d'un subgrupu propiu.
La traza más notable d'ésta galaxa ye ser una de les galaxes elíptiques más brilloses del cielu nes llonxitúes d'onda de los rayos X, teniendo un nucleu galácticu activu con un furacu prietu supermasivu central que tien una masa envalorada en 200 millones de mases solares; estudios fechos con ayuda del telescopiu de rayos X Chandra amuesen dos arcos de gas caliente y aspeutu simétricu travesando una nube de gas caliente, anque a menores temperatures que les de dichos arcos, qu'envolubra la galaxa en xunto.
Cómo munches otres galaxes del so tipu, NGC 4636 ye bastante rica en cúmulos globulares, con una población envalorada d'ellos n'alredor de 4900.
Referencies
NGC 4636 (NED)
Active Galactic Nucleus Feedback and Gas Mixing in the Core of NGC 4636
More images of NGC 4696 in the Centaurus Cluster
Chandra Photo Album: NGC 4636
Globular Cluster Systems in Galaxies Beyond the Local Group
Categoría:Constelación de Virgu Categoría:Galaxes Categoría:Galaxes elíptiques Categoría:Oxetos NGC