Apión foi un gramáticu y estudiosu d'Homero que nació nel oasis de Siwa, n'Exiptu y vivió na primer metá del sieglu I.
Estudió n'Alexandría y dirixó una delegación unviada a Calígula nel añu 38 polos alexandrinos pa quexase de los xudíos y de los privilexos que los concedieren n'Alexandría. Les sos acusaciones foron contestaes por Flaviu Xosefu na so Contra Apionem. Asitióse en Roma -anque nun tea claro cuando- y enseñó retórica hasta'l reináu de Claudiu.
Apión yera un home bien trabayador y de muncha erudición, pero desaxeradamente vanidosu. Escribió delles obres, nenguna de les cuales perduró. La conocida hestoria Androclo y el lleón, caltenida por Aulu Xeliu, pertenez a los sos trabayos. Fragmentos de les sos obres apaecen en Etymologicum Gudianum (ed. Sturz, 1818).
Bibliografía
Referencies
Enllaces esternos
Categoría:Escritores en llatín Categoría:Escritores de la Grecia Antigua Categoría:Antisemitismu Categoría:Retóricos y retóriques Categoría:Estudiosos d'Homero Categoría:Persones del Antiguu Exiptu Categoría:Escritores de Grecia Categoría:Gramáticos de l'Antigua Grecia