Atto foi un monxu, teólogu y canonista francés, nomáu obispu de Vercelli, Italia enantes de 945. Debe distinguise de Atto II, un obispu homónimu de Vercelli que vivió a metá de la octava centuria.
Biografía Yera fíu del vizconde Aldegarius. Foi obispu de Vercelli (924-961). En 933 foi nomáu gran canciller del rei Lotario II d'Italia y llogró de la gratitud real donaciones y privilexos pa la so sede de Vercelli.
Mientres el so episcopáu foi conocíu en toa Europa pol so bon gobiernu y l'espiritualidá de les sos obres. La mayor parte d'elles fueron publicaes per vegada primera pol benedictín Luc d'Achery (1609-85) nel octavu volume del so Spicilegium; dempués fíxose una edición completa de les mesmes por Baronzo del Signore en dos volúmenes en foliu (Vercelli, 1768), de la que se sacó la de la Patrologia Latina de Migne, v. CXXXIV, 27-834). En 1832 Angelo Mai publicó ocho sermones de Atto, y el so curiosu Polypticum o Perpendiculum, un resume de filosofía moral. Los sos Canones son en gran parte una compilación de vieya llexislación eclesiástica, incluyendo les falses Decretales. Tamién contién provisiones d'él mesmu y son de gran valor pa estudiar la vida eclesiástica contemporánea y les costumes del norte d'Italia.
Referencies
Enllaces esternos
Categoría:Obispos Categoría:Escritores en llatín