Martín d'Opava foi un cronista dominicu del sieglu XIII. Tamién ye conocíu como Martín el Polacu; en llatín como Martinus Oppaviensis o Martinus Polonus; n'alemán como Martin von Troppau, y en checu como Martin z Opavy.
Créese que nació na ciudá d'Opava, en Silesia (anguaño na República Checa) y que morrió dempués de xunu de 1278 en Boloña, mientres un viaxe de regresu de Roma, siendo soterráu na Basílica de Santu Domingu, cerca de la tumba del fundador de la Orde.Michel de La Roche: Memoirs of Literature: Containing a Large Account of Many Valuable Books..., 1722 Estudió en Praga y sobremanera desenvolvió les sos actividaes en Polonia.
La so obra Chronicon pontificum et imperatorum (Crónica de los papes y emperadores) ye especialmente reconocida pol so formatu. Cada doble páxina cubre un periodu de cincuenta años, con cincuenta llinies por páxina. Les páxines izquierdes recueyen la historia del papáu, con una llinia per añu, y les páxines dereches rellaten la hestoria de los emperadores de cuenta que los dos narraciones son puramente paraleles. Esti métodu innovador basáu nel diseñu gráficu nun foi apreciáu por tolos sos contemporáneos: munchos copistas recoyeron el testu ensin respetar la distribución, llogrando por resultaos cronoloxíes más bien caótiques.
La crónica foi bien influyente; conócense unos cuatrocientos manuscritos, y el so reflexu ye bultable en munchos cronistes posteriores. Fixéronse traducciones en munches llingües vernácules.
Otra obra de Martín d'Opava ye'l Promptuarium Exemplorum.
Referencies
Enllaces esternos
Ludwig Weiland (Hg.): Martini Oppaviensis chronicon pontificum et imperatorum. MGH SS 22 (1872), S. 377–475 Facsímil de la Crónica de papes y emperadores Un artículu sobre l'autor Facsímil d'una traducción alemana de la Crónica (Manuscritu Heidelberg manuscript Cpg 137) y una edición d'esa traducción (1858) Artículu n'alemán Información en francés sobre'l Promptuarium Exemplorum
Categoría:Escritores de Polonia Categoría:Escritores en llatín Categoría:Historiadores eclesiásticos Categoría:Dominicos Categoría:Persones de Polonia Categoría:Relixosos y relixoses de Polonia Categoría:Historiadores de Polonia Categoría:Cronistes medievales Categoría:Wikipedia:Mantenimientu:Persones ensin plantía NF Categoría:Wikipedia:Mantenimientu:Persones ensin plantía nym