Sicardo de Cremona foi un eclesiásticu, historiador y escritor italianu.
Pertenecía a una familia cremonense, de xuru a los Casalaschi. Estudió Derechu en Boloña y en Mainz. De vuelta en Cremona, foi nomáu subdiácono en 1183[www.bautz.de/bbkl/s/sicard_v_c.shtml SICARD v. Cremona] dans Bautz, Biographisch-Bibliographisches Kirchenlexikon) y obispu de Cremona en 1185 (Sichardi episcopi Cremonensis).
El 18 d'abril de 1188 asitió la primer piedra d'un nuevu castiellu que la so finalidá yera defender Cremona. Esta fortificación (el Castrum Leonis) va dar llugar a la población actual de Castelleone (provincia de Cremona).
Promovió la canonización del mercader cremonense Homobono, quien morrió en 1197 y namái dos años dempués foi canonizáu pol papa Inocencio III, el 13 de xineru de 1199. Homobono convirtióse asina nel primer santu llaicu de la hestoria.
En 1203 acompañó al legáu pontificiu (el cardenal Pedro de Capua) a Oriente mientres la Cuarta Cruzada y moró en Constantinopla. Tornó a Cremona en 1205, onde sofitó a Federico II Hohenstaufen contra Otón IV del Sacru Imperiu Romanu Xermánicu.
Sicardo morrió en Cremona en 1215.
Obres Chronica Universalis (1213): Ye una hestoria universal, dende la creación del mundu hasta 1213. Ye una de les fontes fundamentales citaes pol historiador franciscanu Salimbene di Adam nel so Chronica. Summa Canonum (Mainz, 1179-1181): digesto de Derechu canónicu. Apologia Sichardi: apologética contra los sos detractores. Mitrale (en nueve volúmenes): sobre lliturxa.
Referencies
Enllaces esternos Opera Omnia en Migne Patrologia Llatina.
Categoría:Historiadores medievales Categoría:Escritores en llatín Categoría:Obispos d'Italia Categoría:Persones de Cremona