Lleón o Llión (León, en castellán y gallegu) ye una provincia española perteneciente a la comunidá autónoma de Castiella y Lleón. Allúgase al noroeste de la península Ibérica y la so capital ye Lleón. Llenda al norte col Principáu d'Asturies y Cantabria, al oeste con Galicia (concretamente coles provincies d'Ourense y Lugo), pel oeste; coles provincies de Zamora y Valladolid pel sur; y cola provincia de Palencia pel este. Creada cola dixebra provincial de 1833, foi adscrita a la rexón del Reinu de Lleón.
Tien una enantu de 15.581 km². Posee una población de 498.223 (INE 2006). Densidá: 31,82 h/km².
Llugar de pasu ente importantes rexones de la península Ibérica, pela provincia lleonesa discuerren dos grandes rutes: de sur a norte la Vía de la Plata, y d'este a oeste'l Camín de Santiago.
Xeografía
Allugamientu La provincia de Lleón allúgase nel Noroeste de la Península Ibérica, concretamente na Meseta Norte. Llenda col Principáu d'Asturies y Cantabria pel norte; con Galicia (provincies d'Ourense y Lugo), pel oeste; coles provincies de Zamora y Valladolid pel sur; y cola provincia de Palencia pel este.
Hidroloxía La provincia de Lleón pertenez a trés estremaes cuenques hidrográfiques. La primer y más importante ye la del Dueru, a la que s'asigna un 73,5% del territoriu lleonés, la segunda ye la del Miño, qu'engloba la comarca d'El Bierzu y la comarca tradicional de Ḷḷaciana con un 25% del territoriu. Por últimu la vertiente cantábrica, a la que s'asigna'l 1,5% solamente, na zona de los Picos. 350px|thumb|left| El Ríu Bernesga, al so pasu pela Pola de Gordón Cuenca'l Dueru: partiendo de la primacía del Esla, gran colleutor onde finen tolos cursos fluviales, pue facese una triple distinción. En primer llugar, recibe'l so cursu mediu, les augües del gran abanicu formáu por Porma, Curueñu, Bernesga y Toríu. Na mesma oriella pero nel so cursu baxo, acaba recibiendo les augües del Órbigu que, formado tres la xunión del Ḷḷuna y Oumañas, recibe los aportes de la Montaña de Vavia, Ḷḷuna y Las Oumañas, asina como los de la vertiente occidental de los Montes de Lleón. Finalmente na otra oriella y tamién nel so cursu baxu, recibe l'aportación del Cea. Ñacíu daqué más al sur que tolos exemplos anteriores, el Ríu Valderaduei, siguiendo un cursu Norte-Sur semeyante al del Cea, vierte les sos augües al Dueru a 3km de Zamora. Tanto l'Órbigu como'l Cea xúnense al Esla na provincia de Zamora.
Cuenca'l Miño: nesta cuenca destaca, ensin dubia dala, el Sil. Al enantase per un territoriu menos ampliu que l'anterior y haber que salvar un mayor desnivel (ñaz a un altor de 2.000 m y sal de la provincia a 376 m) los ríos d'esta cuenca son muncho más activos na so aición erosiva sobre manera nos cursos altos. Ente los sos afluentes destaquen el Cúa, Burbia, Valcarce y Selmu y, na so oriella oriental, el Boeza, Meruelu y Cabreira.
Cuenca Norte: pequeña pero con importantes valires paisaxísticos y ecolóxicos, destaquen el Sella, Dobra y Cares y les pequeñes ñores de la zona de Valouta y Suárbol (na comarca tradicional d'Ancares).
Banzaos 350px|thumb|right|El pueblu de Riañu construyíu depués de fincar somorguiáu dafechu pel banzáu de Riañu Lleón ye una provincia con grandes banzaos, munchos d'ellos construyíos na época franquista, somorguiando dellos pueblos. Los más importantes son: Confederación hidrográfica del Dueru: Banzáu de Riañu Banzáu del Porma Banzáu de Barrios de Ḷḷuna Banzáu de Villameca 350px|thumb|right|El ríu Esla. Confederación hidrográfica del Miño-Sil: Banzáu del Bárcena Banzáu de Campañana Banzáu de la Fuente de l'Azufre
Clima La provincia de Lleón ye un área de transición ente la Iberia húmeda y la ensucha. Según la carauterización del MAPA, en Lleón puen estremase cinco zones climátiques. Zona I: El Bierzu y Meseta, clima mediterraniu templáu. Temperatura media ente 10º y 14º, con precipitaciones añales ente 400 mm y 900 mm. Periodu ensuchu de de 3 a 5 meses. Con matices más fríos y húmedos na transición hacia los relieves montesinos. Zona II: al sur de La Bañeza, na llende cola provincia de Zamora, mediterraniu templáu frescu. Temperatura media ente 10º y 12º, con precipitaciones añales ente 500 mm y 700 mm. Periodu ensuchu de 3 y 4 meses. Zona III: la Cabreira, zona meridional de la Cordelera Cantábrica, Montes de Lleón, Tierras de Lleón asitiaes al noroeste de la meseta y norte de Safagún. Tamién mediterraniu templáu frescu. Temperatura media ente 8º y 10º, con precipitaciones añales ente 700 mm y 1500 mm. Periodu ensuchu de 2 a 3 meses. Con matizaciones fríes y húmedes nes partes más altes de les zonas enantes citaes. Zona IV: pequeña y estrencha estaya a lo llargo de la Montaña Oriental, mediterraniu templáu fíu. Temperatura media ente 8º y 10º, con precipitaciones añales ente 1.100 mm y 1.300 mm. Periodu ensuchu de 1 a 2 meses Zona V: Cordelera Cantábrica y Montes Aquilanos, tamién mediterraniu templáu fríu. Temperatura media ente 4º y 8º, con precipitaciones añales de 1.100 mm y 1.900 mm. Periodu ensuchu siempres inferior a 2 meses. La temperatura disminúi y les precipitaciones aducen contra más asciende l'altor y la llatitú.
Dixebra alministrativa La provincia de Lleón dixébrase en conceyos/municipios, como establez l'artículu 137 de la Constitución Española, con autonomía de xestión y poderes executivu y llexislativu propios, esistiendo organizaciones supramunicipales y mancomunidaes d'estremada índole que reflexen en determinaos casos la organización histórica del territoriu. Arriendes, El Bierzu constituyó en comarca por Llei 1/1991 de 14 de marzu poles sos pecuñariedaes carauterístiques xeográfiques, sociales, históriques y económiques dotándose de instituciones ermunes y un relativamente enantáu espectru competencial. 350px|thumb|right|Comarques agraries, Ministeriu d'Agricultura, Pesca y Alimentación (1996). Les comarques agraries organizaes pol Ministeriu d'Agricultura, Pesca y Alimentación en 1996 (l'anterior comarcalización agraria data de 1978) son les siguientes: Comarca agraria Estorga La Bañeza El Bierzu La Cabreira Esla-Campos La Montaña de Ḷḷuna La Montaña de Riañu Páramu Sahagún Tierras de Lleón
Aries funcionales Nes Directrices d'Ordenación del Territorio de Castiella y Lleón nel añu 2000, la provincia finca dixebrada n'ocho aries funcionales coles sos respeutives cabeceres d'aria: frame|right|Direutrices d'Ordenación del Territoriu, Xunta de Castiella y Lleón. Aria funcional Cabecera Viḷḷablinu Viḷḷablinu Boñar-Cistierna Cistierna El Bierzu Ponferrada Estorga Estorga Lleón Lleón Safagún Safagún La Bañeza La Bañeza Coyanza Coyanza
Partíos xudiciales Los partíos xudiciales nos que se dixebra la provincia tomen el nome de les sos respeutives capitales. A efeutos eleutorales, los conceyos pertenecientes al Partíu Xudicial de Vil.lablino intégrense nel Partíu Xudicial de Lleón sacantes Viḷḷablinu y Palacios del Sil, que lo faen nel de Ponferrada. frame|right| Direutrices d'Ordenación del Territoriu , Xunta de Castiella y Lleón. Númberu Partíu Xudicial1 Safagún2 Lleón3 La Bañeza4 Ponferrada5 Estorga6 Cistierna7 Viḷḷablinu
El partíu xudicial d'Estorga tien Cámara de Comerciu ya Industria propia constituyíes dambes en 1910 correspondiendo'l restu de la provincia a la Cámara de Comerciu de Lleón fundada en 1907.
Comarques tradicionales Conceyos por fasteres: thumb|Mapa comarcal de Lleón El Bierzu: Ponferrada, Bembibre El Páramu: Santa María Ḷḷaciana: Viḷḷablinu Maragatería: Estorga, Brazuelu, Lluciellu, Lluyegu, Santa Colomba de Somoza, Santiagumillas y El Val de San Llorienzu. Vavia: Cabriḷḷanes -Vavia de Susu- y Santu Michanu -Vavia de Yusu- La Cepeda: Quintana, Villamexil, Magaz, Villaobispu los Oteiros ya Villagatón. La Valduerna Ribeira del Órbigu La Cabreira: Trueitas, Benuza La Valdería: San Esteban de Nogales, Castrocalbón, Castrocontrigu y Alcubillas de Nogales Tierra de la Reina Veiga del Esla La Sobarriba: Valdefreisnu de la Sobarriba Tierra de Campos Umaña: Murias, Riellu, Las Oumañas Tierras de Lleón: Ciudá de Lleón, San Andrés, Villaquilame, Santovenia de la Valdoncina Tierras de la Bañeza Ancares Valdión Sayambre Ḷḷuna Los Argüeḷḷos: Cármenes, Valdelugueros y Villamanín Baixo Curueñu: La Vecilla, Santa Colomba, Valdepiélagu y Veigaqueimada. Tierras de Coyanza: Coyanza, Villamañán
Demografía La provincia de Lleón posee una población de 498.223 habitantes (INE 2006). La densidá, de 31,82 hb/km² ye mayor que nel conxuntu de la Meseta Norte, onde la densidá rolda los 20 hab./km², siendo la segunda provincia en densidá de la Comunidá de Castiella y Lleón.
En Lleón ye a albidrase dos grandes aries de concentración de la población: l'Aria metropolitana de Lleón y l'Alfoz de Ponferrada, que xuntes concentren a más de la metá de la población de la provincia. Son amás noyos industriales que concentren bona parte de la industria provincial.
Añu 1996 1998 1999 2000 2001 2002 2003 2004 2005 2006Población 517.191 506.365 506.511 502.155 499.517 496.665 495.998 492.720 495.902 498.223
Ver Conceyos de la provincia de Lleón por númberu d'habitantes
Movimientu natural de la población 350px|thumb|right|Molinaseca, na comarca d'El Bierzu. Un pueblu que siguió la dramática tónica de la despoblación.
Natalidá Nel 2005 rexistráronse un total de 3.313 ñacimientos na provincia de Lleón, lo que supón una tasa de natalidá del 6,64 puntos, una tasa mui baxa que nun garantiza el relevu xeneracional.
Mortalidá Nel 2005 rexistráronse un total de 5.731 fenecimientos na provincia de Lleón, lo que supón una tasa de mortalidá del 10,49 puntos, una tasa más elevada que la del conxuntu nacional, y que xunida a la baxa natalidá fai que l'espoxigue vexetativu seya de -3,85 puntos.
Migraciones La provincia de Lleón foi una provincia de emigrantes qu'anguaño ta recibiendo inmigrantes, quienes percanciaren aducir la población lleonesa.
Emigración La provincia de Lleón ye una de les provincies onde una gran parte de la población ta fuera d'ésta. Según el INE na provincia de Lleón hai 17.572 emigrantes fuera de la provincia y dientro d'España y 181 lleoneses fuera d'España.
Inmigración La provincia de Lleón nos caberos años ta tornando nuna receptora d'inmigrantes, tanto ye asina que nel añu caberu los inmigrantes consiguieron aumentar la población de la provincia dempués de décades de xabaz decrecimientu. Los inmigrantes d'otres provincies españoles en Lleón cifren en 15.567 persones, mientres que los estranxeros emplaciaos en Lleón son 3.992.
Economía
La provincia de León sigue la tónica del restu d'España no que refier a la economía, ya que la mayor parte d'emplegos qu'ufre ésta tán arreyaos cola estaya servicios. Na provincia hai 17.400 paraos, los cuales representen un 8,32% del total de persones n'edá de trabayar de la provincia. El paru provincial nun dexara de baxar nos años caberos.
Agricultura 350px|thumb|right|Típica paisada agraria lleonés, en Villareyu d'Órbigu Ocupa a un 7,8% de los emplegaos de la provincia. Los cultivos principales son los cerealísticos, los lleguminosos, los túberculos de consumu humanu, los cultivos industriales y los forraxeros.
El regadíu ocupa una superficie de 163.379 Ha, lo que correspuende a un 31,27% de la superficie total llabrada, les tierres de regadíu tán allugaes sobre manera nes arredolaes de les Vegues del Órbigu y del Esla. Ye la provincia con mayor cantidá de regadíos de la Comunidá de Castiella y Lleón
Les viñales, asítiense sobre manera na comarca d'El Bierzu y nes proximidaes de los ríos, siendo'l más importante ríu en cuantes a viñales, el Esla. La provincia cunta con una denomación d'orixe, que engloba a les viñales del área d'El Bierzu; arriendes d'ello, cunta con un sellu de calidá "Tierres de Lleón", distintivu que premia'l vinu producíu na vega del Esla y arredolaes.