Xerusalén (n'hebréu ירושלים, Yerushalayim; n'árabe القدس, al-Quds), ciudá d'Asia, nel Próximu Oriente. Foi l'antigua capital del Reinu d'Israel y del Reinu de Xudá; principal ciudá israelina, capital declarada del estáu d'Israel y, d'igual mou, ciudá onde l'Autoridá Palestina quier establecer la so capital (Xerusalén Este).
Ye una de les ciudaes más antigües del mundu, habitada polos cananites xebuseos enantes de la llegada de les tribus hebrees a Canaán a principios del sieglu XIII e.C..
Capital de dos Estaos Israel proclamó Xerusalén como capital en 1950, dos años depués de la creación del estáu hebréu, y asitió ellí les sedes del gobiernu, el parllamentu y otros órganos alministrativos. La ciudá fora dixebrada en dos partes (Israel y Xordania) tres l'armisticiu de la guerra árabe-israelina de 1948, polo que la capitalidá xudía namás afeutaba a la parte occidental. Na guerra de los seis díes de 1967, Israel conquistó la parte oriental (Xerusalén Este) y la incorporó al restu del conceyu. En 1980, el gobiernu hebréu aprobó la Llei de Xerusalén, que falaba de la ciudá como la “capital eterna ya indixebrable” del país. Énte esti fechu, la ONX aprobó la resolución 478, que declaraba nula la llei israelina y aconseyaba a los Estaos miembros treslladar les sos embaxaes a Tel-Aviv como midida de castigu.
Orixe etimolóxicu Salem quier dicir paz n'hebréu antiguu, y Xeru ciudà, polo que Xerusalén al completu quier dicir Ciudà de la paz.
Referencies
Enllaces esternos
Información de la ONX sobre Xerusalén (n'inglés). Travexpert Xerusalén Lonely Planet - Xerusalén
Categoría:Llocalidaes d'Israel Categoría:Llocalidaes de Palestina