Los suevos (suebi o suevi en llatín ) yeren un pueblu xermánciu orixinariu de la rexón del Mar Bálticu, que los romanos llamaben Mare Suebicum.
Los suevos cruzaron el ríu Elba a principios del sieglu I ad-C. y a empobináronse al suroeste, llegando cerca de Galia. Tres de la victoria de Xulio César sobre'l so rei Ariovistu, instaláronse al este del Rhin, na rexón conocida dende entós como Suabia (Schwaben). Nesta dómina, delles tribus dixebráronse del restu de los suevos, recibiendo'l nome d'alamanes.
Nel añu 406 colos alanos y los vándalos, invadieron la Galia y , dos años más tarde, Hispania. En 411, nel repartu del territoriu conquistáu por éstos pueblos, a los suevos toco-yos l'antigua provincia romana de Gallaecia, onde fundaron un reinu con capital en Braccara Augusta (Braga).
La monarquía sueva nel noroeste de la península ibérica duró cerca de dos sieglos y terminó cola derrota del so últimu rei, Audeca, a manes del visigodu Leovixildu.
Llista de reis suevos en Gallaecia 410-438 - Hermericu. 438-448 - Requila 448-456 - Requiariu. 456-457 - División del reinu : Frantán / Aguiulfu 457-459 - Maldrás 459-463 - Nueva división : Frumariu / Remismundo 463-469 - Remismundo. 469-550 - Teodomundu¿?. 550-559 - Carriaricu 559-570 - Teodomiro 570-583 - Miro 583-584 - Euricu 584-585 - Audeca
Referencies
Enllaces esternos
Categoría:Cultures y pueblos Categoría:Historia