Saxifraga spathularis ye una planta yerbácea de la familia de les saxifragacees. Ye orixinaria d'Europa.

Descripción Planta viviega de 10 a 30 cm d'altor, con abondoses fueyes atropaes nuna roseta radical, agudamente dentaes hasta casi la base del llimbu, cantu con marxe cartilaxinosu bien finu y atenuaes nun pecíolutan llargu como'l llimbu, estrapáu y con pilosidá esvalixada pela parte inferior. Viesu de cutiu acoloratáu. Tarmos floríferos ensin fueyes, ramificaos superiormente, con pelos pegañosos y un tanto acolorataos. Flores pequeñes en recímanos fluexos, con pétalos blancos chiscaos de puntos coloraos y un par de manches marielles na base. Sépalos dafechu vueltos escontra baxo. Anteres y ovarios rosaos. Floria a final de primavera y pel branu.Estrémase de Saxifraga hirsuta poles sos fueyes glabres na so cara inferior, y pecíoluampliu y distintivamente esplanáu.

Distribución y hábitat Na Península ibérica y n'Irlanda ente roques acedes, pelo normal n'árees montascoses húmedes.

Taxonomía Saxifraga spathularis describióse por Félix de Avelar Brotero y espublizóse en Flora Lusitanica 172. 1804. Citoloxía Númberu de cromosomes de Saxifraga spathularis (Fam. Saxifragaceae) y taxones infraespecíficos: n=14; 2n=26, 28Datos cariológicos del xéneru Saxifraga L. nel NO Ibéricu. Redondo, N. & M. Horjales (1989) Bol. Soc. Brot. ser. 2 62: 195-203 Etimoloxía Saxifraga: nome xenéricu que vien del llatín saxum, ("piedra") y frangere, ("romper, quebrar"). Estes plantes llámense asina pola so capacidá, según los antiguos, de romper les piedres colos sos fuertes raigaños. Asina lo afirmaba Plinio, por casu.

spathularis: epítetu llatín que significa "como espátula".N'Epítetos Botánicos Sinonimia Robertsonia hibernica Bree ex Sternb. Robertsonia serrata Haw. Saxifraga hibernica Sternb. Saxifraga serrata Sternb. Saxifraga serratifolia (D.Don) J.Mackay ex Rchb. Saxifraga avesiga var. serratifolia D.Don

Híbridos Saxifraga x andrewsii Saxifraga x cochlearifolia Saxifraga x polita Saxifraga x urbium

Ver tamién Terminoloxía descriptiva de les plantes Cronoloxía de la botánica Historia de la botánica

Referencies

Enllaces esternos

spath Categoría:Flora d'Europa Categoría:Plantes descrites en 1804 Categoría:Plantes descrites por Brotero Categoría:TBSpecies