La amazilia amorenada de cola azul o amazilia de Tobago (Amazilia tobaci), ye un colibrí que s'habita en Venezuela y Trinidá y Tobagu y dacuando analaya por Granada.
Descripción Mide 8,6 cm de llargor y pesa 4,7 g. El picu algama 18mm, ye rectu, negru na parte cimera con color rosado nel quexal inferior y punta escura. Tien envés verde cobrizu, aportando a de color cobre y bronce na rabadilla. La cabeza, el gargüelu, el pechu y partes inferiores son de color verde intensu y brillante, les zanques son de color blancu y les pates negres; la cola ye encruciada de color azul bien escuru o negru azuláu y les coberteras so la cola son castañu acolorataes a amorenaes.
Nes subespecies A. t. caudata y A. t. aliciae la parte cimera de la cola ye de color cobre acoloratáu más brillosu que debaxo; en tantu en A. t. monticola la parte cimera ye verde y non tola rabadilla ye cobriza. En A. t. caurensis la rabadilla y la parte cimera de la cola tán tiñíes de gris. La subespecie de Trinidá, A. t. erythronota, ye más pequeña y más amorenada nel envés, que la A. t. tobaci de Tobagu.
Hábitat Vive a campu abierto en xardinos, zones verdes d'árees residenciales y cultivos.
Comportamientu y alimentación Son desaxeradamente territoriales y vixilen y defenden les gran variedá de flores con que s'alimenten. Peracaben principalmente néctar y dacuando, inseutos. Rexistren migraciones estacionales. El so llamáu suena chip y el so cantar tyee-tyee-tyoo
Reproducción La fema pon los sos güevos nun nial en forma de copa pequeña, nuna caña baxa o, dacuando, nos tendíos de cables. La incubación dura de 16 a 17 díes y los pitucos abandonen el nial 19 a 23 díes dempués de la eclosión de los güevos. Puede haber hasta tres niaraes nuna temporada.
Referencies
ffrench, Richard (1991). A Guide to the Birds of Trinidad and Tobago (2nd edition ed.). Comstock Publishing. ISBN 0-8014-9792-2. Hilty, Steven L (2003). Birds of Venezuela: 419. London: Christopher Helm. ISBN 0-7136-6418-5.
Enllaces esternos https://www.naturalista.mx/taxa/5707-Amazilia-tobaci Amazilia tobaci
tobaci Categoría:Aves del Caribe